توریت شریف: پَیدایش 41:30 - Mirpuri-Pahari Bible

³⁰ تے اِس توں بعد سَتاں سالاں تک قحط ہوسی، تے مُلخے مصر وِچ سارے لوک اُس بہُوں پیداوار کی پُہلی جاسݨ۔ قحط سارے مُلخے کی تباہ کری شوڑسی۔

توریت شریف: پَیدایش 41:30 ပူးပေါင်းရင်းမြစ်များ

توریت شریف: پَیدایش 41:21

پر اُنہاں کی کھاݨے تُوں بعد وی نی سی لغݨا کہ اِنہاں موٹیاں گاںئیاں کی کھائی شوڑیا، کِیئانکہ او پہلے نی طرح مندیاں ہی سݨ۔ فِر میں جاگی گیاں۔

توریت شریف: پَیدایش 41:27

او مندیاں تے پتلیاں گاںئیاں جیہڑیاں بعد وِچ نکلیاں تے او ست ماڑے تے مشرقی ہوا نال سڑے وے سِٹے ست سال ہی ظائر کرنے اݨ، جِنہاں وِچ قحط ہوسی۔

توریت شریف: پَیدایش 41:31

ہر چیز نا زیادہ ہوݨا وی یاد نہ رہسی، کِیئانکہ اُس تُوں بعد جیہڑا قحط پیسی او بہُوں ہی سخت ہوسی۔

توریت شریف: پَیدایش 41:51

حضرت یُوسف پہلے نا ناں مَنَسّی، اے آخی کے رخیا کہ «اللّٰہ تعالیٰ مہاڑی تے مہاڑے پیؤ نے کہرے نی ساری مشقت مِکی پُہلائی شوڑی اَے۔»

توریت شریف: پَیدایش 41:54

فِر حضرت یُوسف نے آخݨے نے مطابق قحط نے ست سال شروع ہوئی گئے۔ ساریاں مُلخاں وِچ قحط سی، پر مصر نے پُورے مُلخ وِچ خوراک موجود سی۔

توریت شریف: پَیدایش 41:56

سارے مُلخے اپر سخت قحط پئی گیا سی، تے حضرت یُوسف غلے نے ٹہیر کھولی شوڑے، تے مصریاں کی غلہ بیچیا-

توریت شریف: پَیدایش 47:13

کِسے جغہ وی کھاݨے واسطے کُج وی نی رہیا، کِیئانکہ قحط بہُوں ہی سخت سی. مُلخ مصر تے ملخ کَنعان نے لوک پُکھ نال بہُوں کمزور ہوئی گئے.

اِنجِیل شریف (لُوقا) 4:25

فِر اُنہاں آخیا، ”یاد رَخو جِس طرح حضرت اِلیاس نے زمانے وِچ جیہڑے ویلے ساڈھے ترَے سال تک بارش نی ہوئی سی تے سارے مُلخے وِچ سخت قحط پیا سی، بنی اِسرائیل وِچ بہُوں ساریاں بیوہ عورتاں وی سݨ۔