توریت شریف: پَیدایش 40:19 - Mirpuri-Pahari Bible

¹⁹ اج تُوں لائی تِریاں دیہاڑیاں نے اندر فرعون تُہاڑا سِر تہڑ تُوں لائی شوڑسی تے تُکی بُوٹے نال ٹنگی شوڑسی، تے فِر پرندے تُہاڑا ماس پٹی پٹی کھاسݨ۔»

توریت شریف: پَیدایش 40:19 ပူးပေါင်းရင်းမြစ်များ

توریت شریف: پَیدایش 40:13

ہُݨ تَریاں دیہاڑیاں نے اندر فرعون تُکی قید خانے تُوں باہر کڈسی، تے تُکی دوبارہ تہاڑے عُہدے پر بحال کری شوڑسی، تے پہلے نی طرح تُوں اُس نا ساقی ہی رہسیں تے پیالہ اُس نے ہتھے وِچ دیا کرسیں۔

توریت شریف: پَیدایش 40:17

تے اُپر آلے ٹوکرے وِچ مُختلف قسم نی روٹی فرعون واسطے اَے۔ پر پرندے اچھی کے مہاڑے سِرے تُوں ٹوکرے وِچوں کھاݨے اݨ۔»

توریت شریف: پَیدایش 40:18

فِر حضرت یُوسف اُس کی آخیا، «اِس نا مطلب اے اَے کہ او ترَے ٹوکریاں ترَے دیہاڑے اݨ۔

توریت شریف: پَیدایش 40:20

فِر اِس طرح ہی ہویا کہ ترِیئے دیہاڑے جیہڑا فرعون نی سالگرہ نا دیہاڑا سی، اُس دیہاڑے فرعون اپݨے ساریاں خادماں نی دعوت کِیتی۔ اُس موقے پر اُس سردار ساقی تے سردار خانسامے کی قید خانے وِچوں کڈی کے اپݨے دربار وِچ بُلایا۔

توریت شریف: پَیدایش 40:22

پر فرعون خانسامے کی سزائے موت دیئی کے بُوٹے نال لٹکائی شوڑیا۔ اے سب کُج اُسے طرح ہی ہویا جِس طرح حضرت یُوسف تعبِیر دسی سی۔

توریت شریف: پَیدایش 41:13

تے جِس طرح اُس دسیا سی، اُس طرح ہی ہویا کہ تُساں مِکی مہاڑے کمے پر لائی شوڑیا، تے خانسامے کی سزائے موت دیئی کے بُوٹے نال لٹکائی شوڑیا۔»