توریت شریف: پَیدایش 4:8 - Mirpuri-Pahari Bible

⁸ اِک دیہاڑے قابیل اپݨے پہراؤ ہابیل کی آخیا، ”آ، باڑیاں در جُلاں.“ جدُوں او اُتھے سݨ، تے قابیل اپݨے پہراؤ پر حملہ کری کے اُس کی ماری شوڑیا۔

توریت شریف: پَیدایش 4:8 ပူးပေါင်းရင်းမြစ်များ

توریت شریف: پَیدایش 4:25

حضرت آدم اپݨی زناݨی کول فِر گئے، تے اُس نا اِک ہور پُتر جمیا. او آخݨ لغی، ”اللّٰہ تعالیٰ مِکی ہابیل نے بدلے وِچ، جِس کی قابِیل ماری شوڑیا، دُوآ پُتر دِتا۔“ تاں اُس پترے نا ناں شِیث رخیا، جِس نا مطلب ”دِتا وا“ اے.

اِنجِیل شریف (لُوقا) 11:51

حضرت ہابِیل نے قتل تُوں کِہنی کے حضرت زَکریا نے قتل تک جِسی اللّٰہ تعالیٰ واسطے قُربانی دیݨے آلی جغہ تے بڑے عِبادت خانے نے بِشکار قتل کِیتا گیا سی۔ یقِین کرو کہ اِس زمانے نیاں لوکاں کولوں اِنہاں ساریاں قتلاں نا حِساب کِہندا جاسی!

اِنجِیل شریف (لُوقا) 22:48

پر حضرت عِیسیٰ اُسی آخیا، ”یہُوداہ، کَے گل اَے؟ تُوں اِبنِ اِنسان کی پَغڑاݨے واسطے پیار کرنا ایں؟“