توریت شریف: پَیدایش 4:1 - Mirpuri-Pahari Bible

¹ فِر حضرت آدم اپݨی زناݨی بی بی حوا کول گئے. بی بی حوا کی حمل ٹھہری گیا، تے اُنہاں نا اِک پُتر جمیا جِس نا ناں قابِیل رخیا گیا۔ فِر اُنہاں آخیا، ”مِکی اِک مُنڈا رب نی مدد نال مِلیا۔“

توریت شریف: پَیدایش 4:1 ပူးပေါင်းရင်းမြစ်များ

توریت شریف: پَیدایش 3:15

مَیں تُہاڑے تے زناݨی نے بشکار دُشمݨی پیدا کری شوڑساں۔ اُس نی اولاد تُہاڑی اولاد نی دشمݨ ہوسی۔ او تُہاڑے سِرے کی چُٹی شوڑسی، تے تُوں اُس نی کھُری پر ڈسسیں۔“

توریت شریف: پَیدایش 3:24

انسان کی باہر کڈݨے تُوں بعد، زندگی نے درخت نے راہ نی حفاظت کرنے واسطے رب تعالیٰ باغِ عدن نے مشرق وِچ فرِشتیاں کی مقرر کِیتا، تے اُتھے ایہے جی تلوار رکھی، جِس وِچوں اَگ نکلݨی سی، تے او ہر طرف مُڑنی سی۔

توریت شریف: پَیدایش 4:2

فِر قابیل نا پہرآ ہابیل جمیا. جدُوں او بڑے ہوئے، ہابیل پہڈاں بکریاں نا چراݨے آلا بݨی گیا، تے قابیل کھیتی باڑی کرنے آلا بݨی گیا۔

توریت شریف: پَیدایش 4:25

حضرت آدم اپݨی زناݨی کول فِر گئے، تے اُس نا اِک ہور پُتر جمیا. او آخݨ لغی، ”اللّٰہ تعالیٰ مِکی ہابیل نے بدلے وِچ، جِس کی قابِیل ماری شوڑیا، دُوآ پُتر دِتا۔“ تاں اُس پترے نا ناں شِیث رخیا، جِس نا مطلب ”دِتا وا“ اے.

توریت شریف: پَیدایش 5:29

جِس نا ناں اُس نُوح یعنی “آسانی“ رخیا. اُس آخیا، ”اساں نا کھیتی باڑی نا کم بہُوں ڈاڈھا اے، کِیئانکہ خُدا زمِیں پر لعنت پیہجی وی. پر ہُݨ اساں اِس پُترے نی وجہ نال سوخے ہوئی جاساں.“