توریت شریف: پَیدایش 39:3 - Mirpuri-Pahari Bible

³ فوطِیفار تکیا کہ رب حضرت یُوسف نال سی، تے جِنہاں کماں کی او ہتھ لاݨے سݨ، اُنہاں وِچ رب برکت باݨا سی۔

توریت شریف: پَیدایش 39:3 ပူးပေါင်းရင်းမြစ်များ

توریت شریف: پَیدایش 21:20

جُوں جُوں حضرت اِسماعِیل بڑے ہوݨے گئے، تے اللّٰہ تعالیٰ اُنہاں نال سی. او فاران نیاں بیاباناں وِچ رہݨ لغے، تے تیر انداز بݨے۔

توریت شریف: پَیدایش 21:22

اُنہاں دیہاڑیاں وِچ بادشاہ ابی ملک تے اُس نے سپاہ سالار فِیکُول حضرت اِبراہِیم کی اچھی کے آخیا، ”ہر کم جیہڑا تُساں کرنے او، اُس وِچ اللّٰہ تعالیٰ تُساں نال ہوݨا۔

توریت شریف: پَیدایش 21:23

اِس واسطے تُساں ہُݨ مہاڑے سامݨے اللّٰہ نی قسم کھاؤ کہ نہ مہاڑے نال، نہ مہاڑیاں پُتراں نال، تے نہ ہی مہاڑیاں پوتریاں نال تُساں تہوکھہ فریب کرسو. جِس طرح میں تُساں نال اچّا سلُوک کیتا، اِسے طرح تُساں وی مہاڑے نال تے اِس مُلخے نال جتھے تُساں رہݨے او اچّا سلُوک کرو۔“

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 26:28

اُنہاں آخیا، ”اساں صاف تکیا اے کہ رب تُساں نے نال اے. تے اساں سوچیا کہ تُساں نے تے اَساں نے درمیان قسم ہوئی جائے. اچھو، اساں تُساں نال اِک معاہدہ کری کِہناں

توریت شریف: پَیدایش 30:27

تاں لابن آخیا، ”جے مہاڑے پر رحم کریں، تے اِتھَے ہی رو، کِیئانکہ مِکی فال نے ذریعے پتہ لغی گیا اے کہ اللّٰہ تعالیٰ تُہاڑی وجہ نال مِکی برکت دِتی اے۔“

توریت شریف: پَیدایش 30:30

مہاڑے اچھݨے تُوں پہلے اے ڈنگر کہٹ سݨ، تے ہُݨ بَدی کے اے زیادہ ہوئی گئے اݨ. رب جتھے جتھے مہاڑے قدم رکھائے، اُتھے ہی تُساں کی برکت دِتی۔ ہُݨ او وقت آئی گیا اے کہ میں اپݨے کہرے واسطے کُج کراں.“

توریت شریف: پَیدایش 39:2

رب حضرت یُوسف نال سی، اِس واسطے او اِک کامیاب آدمی بݨے- او اپݨے مصری مالک نے کہار رہننے سݨ۔

توریت شریف: پَیدایش 39:21

پر رب حضرت یُوسف نال سی تے اُنہاں اپر رحم کِیتا، تے قید خانے نے دروغے نی نظراں وِچ اُنہاں کی مقبول بݨایا۔

توریت شریف: پَیدایش 39:23

جیہڑے کم حضرت یُوسف نے ہتھے وِچ سݨ، اُنہاں واسطے دروغہ بے فکر ہوئی گیا، اِس واسطے کہ رب حضرت یُوسف نال سی تے جیہڑا کُج او کرنے سݨ رب اُس وِچ اُنہاں کی ترقی دیݨا سی۔