توریت شریف: پَیدایش 39:21 - Mirpuri-Pahari Bible

²¹ پر رب حضرت یُوسف نال سی تے اُنہاں اپر رحم کِیتا، تے قید خانے نے دروغے نی نظراں وِچ اُنہاں کی مقبول بݨایا۔

توریت شریف: پَیدایش 39:21 ပူးပေါင်းရင်းမြစ်များ

توریت شریف: پَیدایش 21:22

اُنہاں دیہاڑیاں وِچ بادشاہ ابی ملک تے اُس نے سپاہ سالار فِیکُول حضرت اِبراہِیم کی اچھی کے آخیا، ”ہر کم جیہڑا تُساں کرنے او، اُس وِچ اللّٰہ تعالیٰ تُساں نال ہوݨا۔

توریت شریف: پَیدایش 39:2

رب حضرت یُوسف نال سی، اِس واسطے او اِک کامیاب آدمی بݨے- او اپݨے مصری مالک نے کہار رہننے سݨ۔

توریت شریف: پَیدایش 39:3

فوطِیفار تکیا کہ رب حضرت یُوسف نال سی، تے جِنہاں کماں کی او ہتھ لاݨے سݨ، اُنہاں وِچ رب برکت باݨا سی۔

توریت شریف: پَیدایش 39:4

اِس واسطے فوطِیفار نی نظراں وِچ او مقبُول ہوئی گئے، تے او ہی فوطِیفار نی خدمت کرݨ لغے۔ فِر فوطِیفار اپݨے کہرے نا سارا اختیار حضرت یُوسف کی دیئی شوڑیا، تے اپݨا سارا کُجھ اُنہاں نے حوالے کری شوڑیا۔

توریت شریف: پَیدایش 40:3

تے اِنہاں دوآں کی اُس قید خانے وِچ سٹی شوڑیاس، جیہڑا مُحافظاں نے سِپہ سالار نے کہارے وِچ سی تے جِتھے حضرت یُوسف وی قید سݨ۔