توریت شریف: پَیدایش 39:2 - Mirpuri-Pahari Bible

² رب حضرت یُوسف نال سی، اِس واسطے او اِک کامیاب آدمی بݨے- او اپݨے مصری مالک نے کہار رہننے سݨ۔

توریت شریف: پَیدایش 39:2 ပူးပေါင်းရင်းမြစ်များ

توریت شریف: پَیدایش 21:20

جُوں جُوں حضرت اِسماعِیل بڑے ہوݨے گئے، تے اللّٰہ تعالیٰ اُنہاں نال سی. او فاران نیاں بیاباناں وِچ رہݨ لغے، تے تیر انداز بݨے۔

توریت شریف: پَیدایش 21:22

اُنہاں دیہاڑیاں وِچ بادشاہ ابی ملک تے اُس نے سپاہ سالار فِیکُول حضرت اِبراہِیم کی اچھی کے آخیا، ”ہر کم جیہڑا تُساں کرنے او، اُس وِچ اللّٰہ تعالیٰ تُساں نال ہوݨا۔

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 26:28

اُنہاں آخیا، ”اساں صاف تکیا اے کہ رب تُساں نے نال اے. تے اساں سوچیا کہ تُساں نے تے اَساں نے درمیان قسم ہوئی جائے. اچھو، اساں تُساں نال اِک معاہدہ کری کِہناں

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 39:23

جیہڑے کم حضرت یُوسف نے ہتھے وِچ سݨ، اُنہاں واسطے دروغہ بے فکر ہوئی گیا، اِس واسطے کہ رب حضرت یُوسف نال سی تے جیہڑا کُج او کرنے سݨ رب اُس وِچ اُنہاں کی ترقی دیݨا سی۔

توریت شریف: پَیدایش 39:3

فوطِیفار تکیا کہ رب حضرت یُوسف نال سی، تے جِنہاں کماں کی او ہتھ لاݨے سݨ، اُنہاں وِچ رب برکت باݨا سی۔