توریت شریف: پَیدایش 39:1 - Mirpuri-Pahari Bible

¹ اسماعِیلیاں حضرت یُوسف کی خریدی کے مصر وِچ آندا سی- اُتھے اِک فوطِیفار نامی مِصری سی. او بادشاہ فرعون اگے اِک خادم، تے مُحافظاں نا سِپہ سالار سی- اُس حضرت یُوسف کی خریدی کِہندا سی۔

توریت شریف: پَیدایش 39:1 ပူးပေါင်းရင်းမြစ်များ

توریت شریف: پَیدایش 37:25

فِر او روٹی کھاݨے واسطے بیٹھے- اُس ویلے اُنہاں اُپر تکیا کہ بنی اسماعِیلیاں نا اِک قافلہ جِلعاد نے علاقے تُوں اچھݨا پیا، جیہڑا مختلف قسم نے خوشبودار مصالے اُونٹھاں پر لدی کے مصر در جاݨا پیا۔

توریت شریف: پَیدایش 37:28

جدُوں بنی اسماعِیلی سوداگر اُتھوں لنگے، تے پہراواں حضرت یُوسف کی کھڈے وِچوں باہر کہڈی کِہندا، تے اُنہاں کی بنی اسماعِیلیاں اگے چاندی نیاں وی سِکیاں واسطے بیچی سٹیا- فِر او سوداگر حضرت یُوسف کی مصر کہنی گئے۔

توریت شریف: پَیدایش 37:36

اِسے دوران بنی اسماعِیلیاں حضرت یُوسف کی مصر وِچ فوطِیفار نامی اِک بندے اَگے بیچی شوڑیا، جیہڑا بادشاہ فرعُون اگے اِک خادم سی، تے مُحافظاں نا سِپہ سالار سی۔

توریت شریف: پَیدایش 40:3

تے اِنہاں دوآں کی اُس قید خانے وِچ سٹی شوڑیاس، جیہڑا مُحافظاں نے سِپہ سالار نے کہارے وِچ سی تے جِتھے حضرت یُوسف وی قید سݨ۔

توریت شریف: پَیدایش 45:4

حضرت یُوسف اپݨے پہراواں کی آخیا، «مہاڑے نیڑے اچھو۔» جدوں او سارے نیڑے آئے، تے فِر اُنہاں آخیا، «میں تُساں نا پہرآ یُوسف آں، جِسی تُساں بیچی کے مصر پہیجیا سی۔