توریت شریف: پَیدایش 38:19 - Mirpuri-Pahari Bible

¹⁹ فِر او اُٹھی کے ٹُری گئی، تے پُہرخہ لَوائی کے رنڈاپے نے کپڑے لائی کہندے۔

توریت شریف: پَیدایش 38:19 ပူးပေါင်းရင်းမြစ်များ

توریت شریف: پَیدایش 38:14

اُس کے کِیتا کہ اپݨے رنڈاپے نیاں کپڑیاں کی لہوائی کے سٹی شوڑیا، تے پُہرخا بائی کے اپݨے آپ کی ٹہکی کِہندا تے عَینئِیم شہر نے پھاٹک کول جیہڑا تمنأ نے راہ وِچ سی بیہی گئی. اُس اے حرکت اِس واسطے کیتی کِیئانکہ اُس تکیا کہ سیلہ جوان ہوئی گیا اے، پر اِس نا بیاہ اُس نال نی ہویا۔

توریت شریف: پَیدایش 38:18

یہُودہ آخیا، «تُکی کے دیاں؟» اُس جواب دِتا، «اپݨی مُہر تے اُس نی رسی تے اپݨی سوٹی جیہڑی تُہاڑے ہتھے وِچ اے، مِکی دیئی شوڑ۔» یہُودہ اے چیزاں اُس کی دِتیاں، تے اُس نال مباشرت کیتی، تے او اُس نال حاملہ ہوئی گئی۔

توریت شریف: پَیدایش 38:20

اُس تُوں بعد یہُودہ اپݨے عدُلامی سنگیئے نے ہتھ بکری نا بچہ پہیجیا، تانکہ اُس زناݨی کولوں اپݨی ضمانت نیاں چیزاں موڑی کے کہنی اچھَے. پر اُس کی او زناݨی نی لبھی۔