توریت شریف: پَیدایش 38:14 - Mirpuri-Pahari Bible

¹⁴ اُس کے کِیتا کہ اپݨے رنڈاپے نیاں کپڑیاں کی لہوائی کے سٹی شوڑیا، تے پُہرخا بائی کے اپݨے آپ کی ٹہکی کِہندا تے عَینئِیم شہر نے پھاٹک کول جیہڑا تمنأ نے راہ وِچ سی بیہی گئی. اُس اے حرکت اِس واسطے کیتی کِیئانکہ اُس تکیا کہ سیلہ جوان ہوئی گیا اے، پر اِس نا بیاہ اُس نال نی ہویا۔

توریت شریف: پَیدایش 38:14 ပူးပေါင်းရင်းမြစ်များ

توریت شریف: پَیدایش 24:65

اُنہاں نوکرے کولوں پُچھیا، ”اے بندہ کُݨ اے، جیہڑا اَساں در اچھݨا پیا؟“ نوکرے جواب دِتا، ”اے مہاڑا مالک اے.“ تے بی بی رِبقہ اپݨی چادر کِنہی کے مُونہ کجی شوڑیا۔

توریت شریف: پَیدایش 38:15

یہُودہ اُس کی تکی کے سمجھیا کہ کوئی طوائف اے، کِیئانکہ اُس اپݨا مُونہ ٹہکی کے رخیا سی۔

توریت شریف: پَیدایش 38:19

فِر او اُٹھی کے ٹُری گئی، تے پُہرخہ لَوائی کے رنڈاپے نے کپڑے لائی کہندے۔

توریت شریف: پَیدایش 38:26

تاں یہوداہ اُنہاں چِیزاں کی پہچاݨی کِہندا تے آخیا، «او مہاڑے کولوں سچی اے، کِیئانکہ میں اُس کی اپݨے پُترے سیلہ نال نی بیایا۔“ تے او کدے وی اِس کول نی گیا۔