توریت شریف: پَیدایش 38:12 - Mirpuri-Pahari Bible

¹² فِر اِس طرح ہویا کہ بہُوں مُدت توں بعد یہوداہ نی کہرے آلی مِری گئی. فِر جس ویلے یہوداہ کی اِس نا غم پُہلیا، تے او اپݨے عدُلام شہر نے سنگی حيرہ نے نال اپݨیاں پِہڈاں نے بال کُترنے آلیاں کول تمنأ شہر در گیا۔

توریت شریف: پَیدایش 38:12 ပူးပေါင်းရင်းမြစ်များ

توریت شریف: پَیدایش 24:67

تے حضرت اسحاق بی بی رِبقہ کی اُس تمبو وِچ کہنی گئے جِتھے اُنہاں نی مرحُومہ والدہ رہݨے سݨ، تے بی بی رِبقہ اُنہاں نی کہرے آلی بݨی گئی. حضرت اسحاق نی دلے وِچ اُس واسطے بہُوں محبت پیدا ہوئی گئی. اِنہاں نے اِس پیار نی وجہ نال حضرت اسحاق اپݨی والدہ نے مرنے نا غم پُہلی گئے۔

توریت شریف: پَیدایش 31:19

جِسلے او روانہ ہوݨے پئے سݨ، لابن اپݨیاں پیہڈاں بکریاں نے بال کترݨے واسطے گیا سی. تے اُس نے پِچھوں بی بی راخِل اپݨے پِیؤ نے بُت چوری کری کِہندے.

توریت شریف: پَیدایش 38:1

اُنہاں دیہاڑیاں وِچ اِس طرح ہویا کہ یہُودہ اپݨے پہراواں نالوں بکھ ہوئی کے اِک عدُلام شہر نے بندے کول رہݨے واسطے گیا ، جس نا ناں حیرہ سی۔