توریت شریف: پَیدایش 37:9 - Mirpuri-Pahari Bible

⁹ فِر حضرت یُوسف دُوئا خواب تکیا، تے اپݨے پہراواں کی دَسیا، «سُݨو! میں اِک ہور خواب تکیا اے، جِس وِچ سُورج، چن تے یاراں تارے مہاڑے اگے سجدہ کرنے اݨ.»

توریت شریف: پَیدایش 37:9 ပူးပေါင်းရင်းမြစ်များ

توریت شریف: پَیدایش 20:3

پر اِک رات اللّٰہ تعالیٰ خواب وِچ بادشاہ پر ظاہر ہویا، تے آخیا، ”موت تُہاڑے سِرے پر اے، کِیئانکہ جیہڑی زناݨی تُوں کہار آندی اے، او شادی شُدہ اے۔“

توریت شریف: پَیدایش 37:10

جِسلے اُنہاں اپݨے والد کی وی اے خواب دسیا، تے والد اُنہاں کی چاڑنیاں آخیا کہ «تُوں اے کَے خواب تکیا؟ واقعی، میں، تُہاڑی ما، تے تُہاڑے پہرآ تُہاڑے اگے زِیمی پر سجدہ کرساں؟»

توریت شریف: پَیدایش 37:7

میں کے تکیا؟ کہ اساں باڑی وِچ کݨک نیاں گڈیاں بننے ساں، تے مہاڑی گڈی اُٹھی، تے سِدھی کھلی رہی، تے تُساں نیاں گڈیاں مہاڑی گڈی کی چوآں پاسیوں کہیری، تے اُس نے اگے چُہکی گیاں۔»

توریت شریف: پَیدایش 37:8

اے سُݨی کے اُنہاں نے پہراواں آخیا، «بس! واقعی تُوں اَساں پر بادشاہی کرسیں تے حُکم چلاسیں؟» حضرت یُوسف نے خواب تے گلاں نی وجہ نال اُنہاں نے پہرآ اُنہاں نال ہور وی نفرت کرݨ لغی پئے۔

توریت شریف: پَیدایش 41:25

فِر حضرت یُوسف فرعون کی آخیا، ”اِنہاں دوآں خواباں نی تعبِیر اِک ہی اَے۔ اللّٰہ تعالیٰ بادشاہ سلامت پر ظاہر کِیتا جو او کرنے آلا اے۔

توریت شریف: پَیدایش 41:32

بادشاہ سلامت، تُساں اے خواب دو واری تکیا اے، تے اُس نی وجہ اے اَے کہ اے گلاں اللّٰہ تعالی نی طرفوں مقرر ہوئی گیاں اݨ، تے اللّٰہ تعالیٰ اِنہاں کی تاولا پورا کرسی۔

توریت شریف: پَیدایش 42:6

حضرت یُوسف مُلخے مصر نے حاکم سݨ، تے او ہی سݨ جیہڑے ساریاں لوکاں کی غلہ بیچݨے سݨ۔ حضرت یُوسف نے پہراواں اچھی کے اُنہاں اگے زِیمی پر چُہکی کے سلام کیتا۔

توریت شریف: پَیدایش 43:26

جدوں حضرت یُوسف کہار پہنچے، تے پہرآ اپݨے نذرانے کِہنی کے اُنہاں نے سامݨے آئے، تے مُونہے پہار زمین اپر چُہکی گئے.

توریت شریف: پَیدایش 43:28

اُنہاں جواب دِتا، ”تُساں نا خادم اساں نا پیؤ آلے تک زِندہ اے، تے ٹھِیک اے.“ فِر او دوبارہ مُونہے پہار چُہکی گئے.

توریت شریف: پَیدایش 44:14

فِر یہوداہ تے اُس نے پہرآ حضرت یُوسف نے کہار پُہنچے، تے اِس ویلے تک حضرت یُوسف اُتھے ہی سݨ۔ تے او سارے اُنہاں نیاں پَیراں وِچ ٹہٹھے۔

توریت شریف: پَیدایش 44:19

عالی جاہ! تُساں سوال کِیتا سی کہ اَساں نا پیؤ یا پہرآ اَے؟

توریت شریف: پَیدایش 45:9

بس، ہُݨ تُساں تاولے جائی کے مہاڑے پیؤ کی دسو کہ تُساں نا پُتر یُوسف اِس طرح آخݨا کہ اللّٰہ تعالیٰ مِکی سارے مُلخے مصر نا مالک بݨایا اے. تُساں مہاڑے کول آئی جاؤ تے دیر ناں کرو۔

توریت شریف: پَیدایش 46:29

تے حضرت یُوسف اپݨی شاہی سواری تیار کری کے اپݨے پِیؤ حضرت یعقُوب نی سلامی واسطے جوشن آئی گئے. اپݨے پِیؤ کی تکی کے حضرت یُوسف اُنہاں نے گَلے لغی گئے، تے کافی دیر تک روݨے رہے۔

توریت شریف: پَیدایش 47:12

تے حضرت یُوسف اُنہاں نی، تے اُنہاں نیاں ساریاں کہرے نیاں بندیاں تے اُنہاں نیاں بچیاں نی ضرورت نے مطابق غلہ وی دیݨے رہے۔