توریت شریف: پَیدایش 37:8 - Mirpuri-Pahari Bible

⁸ اے سُݨی کے اُنہاں نے پہراواں آخیا، «بس! واقعی تُوں اَساں پر بادشاہی کرسیں تے حُکم چلاسیں؟» حضرت یُوسف نے خواب تے گلاں نی وجہ نال اُنہاں نے پہرآ اُنہاں نال ہور وی نفرت کرݨ لغی پئے۔

توریت شریف: پَیدایش 37:8 ပူးပေါင်းရင်းမြစ်များ

توریت شریف: پَیدایش 27:41

فِر حضرت اِیسَو حضرت یعقُوب واسطے دِلے وِچ نفرت رکھی، کِیئانکہ اُنہاں نے پیؤ حضرت یعقُوب کی برکت دِتی سی. اُنہاں اپݨے دِلے وِچ آخیا، ”پیؤ نی موت نے دیہاڑے نیڑے اݨ، تے فِر میں اپݨے پہراؤ یعقُوب کی ماری سٹساں۔“

توریت شریف: پَیدایش 37:4

فِر حضرت یُوسف نے پہراواں تکیا کہ ساڑا پِیؤ یُوسف کی اساں کولوں زیادہ پیار کرنا- اِس واسطے او حضرت یُوسف نال نفرت کرݨ لغی پئے، تے چنگی طرح اُنہاں نال گلاں وی نی کرنے سݨ۔

توریت شریف: پَیدایش 37:9

فِر حضرت یُوسف دُوئا خواب تکیا، تے اپݨے پہراواں کی دَسیا، «سُݨو! میں اِک ہور خواب تکیا اے، جِس وِچ سُورج، چن تے یاراں تارے مہاڑے اگے سجدہ کرنے اݨ.»

توریت شریف: پَیدایش 42:10

اُنہاں حضرت یُوسف کی آخیا، ”جناب، بِلکُل نی! اساں تُساں نے غلام، غلہ خریدݨے واسطے آئے آں!

توریت شریف: پَیدایش 44:18

تاں فِر یہُودہ اُنہاں نے نیڑے جائی کے آخݨ لغا، «جناب عالی، اپݨے خادم کی اجازت دیو کہ تُساں کی اِک گل آخاں. تُساں مہاڑے پر غصہ ناں کرو، کِیئانکہ تُساں وی بادشاہ سلامت نی طرح او۔

توریت شریف: پَیدایش 49:26

تُہاڑے پِیؤ نیاں برکتاں قدیم پہاڑاں نیاں برکتاں کولوں زیادہ عظیم اݨ، تے ابدی پہاڑاں کولوں زیادہ بے حِساب. اے ساریاں برکتاں یُوسف نے سِر پر ہوݨ، اُس بندے نے متھے پر جیہڑا اپݨے پہراواں پر شہزادہ اے.

توریت شریف: پَیدایش 50:18

فِر اُنہاں نے پہرآ اچھی کے اُنہاں نے پیراں وِچ ٹہٹھے تے آخݨ لغے، «تکو! اساں تُساں نے غُلام آں۔»

اِنجِیل شریف (لُوقا) 19:14

پر اُس نے مُلخے نے لوک اُس نال دُشمݨی کرنے سݨ۔ اُس نے جاݨے تُوں بعد اُنہاں کُجھ بندیاں نے ذرِیعے بڑے بادشاہ کی اے سنیہا پہیجیا، ’اَساں ناں چاہݨے کہ اے بندہ اَساں اپر حکمراݨی کرَے۔‘

اِنجِیل شریف (لُوقا) 20:17

حضرت عِیسیٰ اُنہاں کی تکی کے آخیا، ”فِر کلامِ پاک نی اِنہاں آیتاں نا مطلب کَے اَے؟ ’جیہڑا بٹّہ مِستریاں بیکار سمجھی کے رد کِیتا سی، او ہی بٹّہ ساریاں کولوں اہم ثابت ہویا۔‘