توریت شریف: پَیدایش 37:5 - Mirpuri-Pahari Bible

⁵ فِر اِسرح ہویا کہ حضرت یُوسف اِک خواب تکیا، جیہڑا اُنہاں اپݨے پہراواں کی دسیا۔ اِس پر اُنہاں نے پہرآ اُنہاں نال ہور نفرت کرݨ لغی پئے۔

توریت شریف: پَیدایش 37:5 ပူးပေါင်းရင်းမြစ်များ

توریت شریف: پَیدایش 20:3

پر اِک رات اللّٰہ تعالیٰ خواب وِچ بادشاہ پر ظاہر ہویا، تے آخیا، ”موت تُہاڑے سِرے پر اے، کِیئانکہ جیہڑی زناݨی تُوں کہار آندی اے، او شادی شُدہ اے۔“

توریت شریف: پَیدایش 28:12

سُتیاں سُتیاں خواب وِچ اُنہاں تکیا کہ پوہڑیاں زِیمی تُوں آسمان در جاݨیاں سݨ، تے فرشتے اُنہاں توں چڑھنے لیݨے سݨ۔

توریت شریف: پَیدایش 31:10

جِنہاں دیہاڑیاں وِچ پہڈاں بکریاں گبݨ ہویاں، اِک دیہاڑے میں خواب تکیا کہ جیہڑے بکرے بکریاں کول گئے او چمبے، ڈبے تے لیکاں آلے سݨ.

توریت شریف: پَیدایش 31:11

تے خواب وِچ خُدا نے فرشتے مِکی آخیا، ”اے یعقُوب !“ میں جواب دِتا، ”میں حاضر آں.“

توریت شریف: پَیدایش 37:4

فِر حضرت یُوسف نے پہراواں تکیا کہ ساڑا پِیؤ یُوسف کی اساں کولوں زیادہ پیار کرنا- اِس واسطے او حضرت یُوسف نال نفرت کرݨ لغی پئے، تے چنگی طرح اُنہاں نال گلاں وی نی کرنے سݨ۔

توریت شریف: پَیدایش 37:6

حضرت یُوسف آخیا، «تُساں اے خواب تے سُݨو، جیہڑا میں تکیا اَے:

توریت شریف: پَیدایش 37:8

اے سُݨی کے اُنہاں نے پہراواں آخیا، «بس! واقعی تُوں اَساں پر بادشاہی کرسیں تے حُکم چلاسیں؟» حضرت یُوسف نے خواب تے گلاں نی وجہ نال اُنہاں نے پہرآ اُنہاں نال ہور وی نفرت کرݨ لغی پئے۔

توریت شریف: پَیدایش 40:5

قید وِچ رہݨیاں رہݨیاں کُج مدت تُوں بعد، اِک رات مصری بادشاہ نے خانسامے تے ساقی دوآں اِک اِک خواب تکیا، جِنہاں نی تعبیر وی الگ الگ سی۔

توریت شریف: پَیدایش 41:1

فِر پوریاں دوآں سالاں تُوں بعد فرعون خواب وِچ تکیا کہ او دریائے نِیل نے کنارے پر کھلتا وا سی۔

توریت شریف: پَیدایش 42:9

فِر حضرت یُوسف اُنہاں خواباں کی یاد کِیتا، جیہڑے اُنہاں اِنہاں نے بارے وِچ تکے سݨ، تے آخݨ لغے، ”تُساں جاسوس او، تے تساں اے تکݨے واسطے آئے او کہ ساڑا مُلخ کیہڑیاں جغاں پر غیر محفُوظ اے!»

توریت شریف: پَیدایش 49:23

تیر اندازاں تُہاڑے پر تیر چلائی کے تُکی تنگ کیتا، تے تُہاڑے پر ہملہ کیتا.