توریت شریف: پَیدایش 37:18 - Mirpuri-Pahari Bible

¹⁸ جدُوں اُنہاں حضرت یُوسف کی دُوروں اچھݨیاں تکیا، تے اُنہاں نے پُنہچݨے تُوں پہلاں ہی اُنہاں اے سازش کِیتی کہ ’اِس کی قتل کری شوڑاں‘۔

توریت شریف: پَیدایش 37:18 ပူးပေါင်းရင်းမြစ်များ

توریت شریف: پَیدایش 27:41

فِر حضرت اِیسَو حضرت یعقُوب واسطے دِلے وِچ نفرت رکھی، کِیئانکہ اُنہاں نے پیؤ حضرت یعقُوب کی برکت دِتی سی. اُنہاں اپݨے دِلے وِچ آخیا، ”پیؤ نی موت نے دیہاڑے نیڑے اݨ، تے فِر میں اپݨے پہراؤ یعقُوب کی ماری سٹساں۔“

توریت شریف: پَیدایش 37:19

او آپس وِچ گلاں کرݨ لغے، «تکو! خواب تکݨے آلا اچھݨا پیا!

توریت شریف: پَیدایش 50:15

جدوں حضرت یُوسف نے پہراواں تکیا کہ اُنہاں نا پِیؤ مری گیا اے، او آخݨ لغے کہ ”شائد ہݨ یُوسف اساں نال دُشمݨی کرے، تے او ساری بُرائی جیہڑی اساں اُس نال کیتی سی، اُس نا پُورا پورا بدلہ کِہنے.“

توریت شریف: پَیدایش 50:20

بے شک تُساں تے مہاڑے نال بدی کرنے نا ارادہ کِیتا سی. پر اللّٰہ تعالیٰ اُس تُوں نیکی بناݨے نا اِرادہ کری شوڑیا سی، تانکہ بہُوں لوکاں نی جان بچی رہے، تے اَج نے دیہاڑے اے ہی ہوݨا پیا۔