توریت شریف: پَیدایش 37:1 - Mirpuri-Pahari Bible

¹ حضرت یعقُوب مُلخے کَنعان وِچ رہݨے سݨ، جتھے اُنہاں نا پیؤ مسافر نی طرح رہیا۔

توریت شریف: پَیدایش 37:1 ပူးပေါင်းရင်းမြစ်များ

توریت شریف: پَیدایش 17:8

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 23:4

”میں تُساں وِچ مسافر تے پردیسی آں. تُساں مِکی قبرے واسطے جغہ دیو، تانکہ میں اپݨی کہرے آلی نی اِس مَیت کی دبی سَٹاں۔»

توریت شریف: پَیدایش 28:4

او تُکی تے تُہاڑی نسلاں کی اے ساری زِیمی ملکیت وِچ دے، جِتھے تُوں پردیسی نی حیثیت نال رہݨا ایں. اے زمین او ہی اے جیہڑی اللّٰہ تعالیٰ حضرت اِبراہِیم کی برکت دیئی کے دِتی سی.“

توریت شریف: پَیدایش 36:43

مجدی ایل تے عِر. جِس جِس جغہ اے قبیلے رہݨے سݨ، اُس جغہ نا ناں قبیلیاں نے ناں اپر رخیا جاݨا سی.

توریت شریف: پَیدایش 36:7

اُنہاں دوئاں پہراواں کول اتنا زیادہ سامان ہوئی گیا سی کہ او کٹھے نی رہی سکݨے سݨ. اُنہاں نیاں ڈنگراں نی اِتنی زیادہ پیدائِش ہوئی گئی سی کہ جتھے رہݨے سݨ اُتھے چراݨے نی جغہ کٹ سی۔