توریت شریف: پَیدایش 33:4 - Mirpuri-Pahari Bible

⁴ پر حضرت اِیسَو اُنہاں کی مِلݨے واسطے دوڑے، تے اُنہاں کی گلے نال لائی پیار دِتا. تے دوئے روݨ لغی پئے۔

توریت شریف: پَیدایش 33:4 ပူးပေါင်းရင်းမြစ်များ

توریت شریف: پَیدایش 29:11

فِر اُنہاں بی بی راخِل کی مَتھے پر پیار دِتا تے خوشی نال روئے.

توریت شریف: پَیدایش 29:13

لابن اے خبر سُݨی کے دوڑنا آیا، تے اپݨے پہانجے حضرت یعقُوب کی گلے نال لائی کے پیار دِتا. فِر اُس کی اپݨے کہار آندا، تے حضرت یعقُوب لابن کی سارا حال سُݨایا۔

توریت شریف: پَیدایش 32:11

ہُݨ مہاڑی عرض سُݨی کِہن، تے مہاڑے پہراؤ اِیسَو کولوں مِکی بچائی کہن. میں اُس کولوں ڈرنا آں کہ او اچھی کے مِکی تے مہاڑیاں بچّیاں کی ماواں سمیت ماری ناں سٹے۔

توریت شریف: پَیدایش 32:28

فِر اُس بندے آخیا، ”اج تُوں بعد تُہاڑا ناں یعقُوب ناں ہوسی، بلکہ ”اسرائیل“ ہوسی، کِیئانکہ تُوں خُدا تے بندیاں نال زور آزمائی کیتی تے توں ڈاڈھا ہوئی گیا ایں۔“ (”اسرائیل“ نا مطلب اے ’او خُدا نال کُلݨا‘.)

توریت شریف: پَیدایش 43:30

اپݨے پہراؤ کی تکی کے حضرت یُوسف نے دِلے اپر بہُوں اثر ہویا، تے او جلدی جلدی اُتھوں نِکلی کے روݨے واسطے اپݨے کہرے وِچ گئے، تے روݨ لغی پئے.

توریت شریف: پَیدایش 43:34

نوکراں اُنہاں کی حضرت یُوسف نی طرفوں کھاݨا کھِلایا. تے بن یامِین کی باقیاں کولوں پنج گُنا زیادہ لبھا. اِس طرح اُنہاں حضرت یُوسف نال پیٹ پری کے کھادا تے پیتا.

توریت شریف: پَیدایش 45:2

فِر حضرت یُوسف زور زور نال روݨ لغے، تے اِتنا روئے کہ مصریاں روݨ نی واز سُݨی، تے فرعون نے محل تک وی پتہ لغی گیا۔

توریت شریف: پَیدایش 46:29

تے حضرت یُوسف اپݨی شاہی سواری تیار کری کے اپݨے پِیؤ حضرت یعقُوب نی سلامی واسطے جوشن آئی گئے. اپݨے پِیؤ کی تکی کے حضرت یُوسف اُنہاں نے گَلے لغی گئے، تے کافی دیر تک روݨے رہے۔

اِنجِیل شریف (لُوقا) 15:20

اے گل سوچی کے اُٹھیا تے اپݨے پِیؤ نے کہرے دَر ٹُری پیا۔ او آلیں دُور ہی سی کہ اُس نے پِیؤ اُس کی تکی کِہندا۔ پِیؤ کی اُس اپر اِتنا تَرَس آیا کہ او دوڑی کے پُترے کول آیا، تے اُس کی گلے نال لائی کے پیار دیݨ لغی گیا۔