توریت شریف: پَیدایش 32:6 - Mirpuri-Pahari Bible

⁶ بس خبر دیݨے آلے پیغام دیئی کے حضرت یعقُوب کول مڑی آئے تے آخݨ لغے، ”اساں تُساں نے پہراؤ حضرت اِیسَو کول گئے ساں تے پیغام دیئی شوڑیا. تے او چار سو بندیاں کی نال کہنی کے تُساں کی مِلنے کی اچھݨے پے۔“

توریت شریف: پَیدایش 32:6 ပူးပေါင်းရင်းမြစ်များ

توریت شریف: پَیدایش 31:18

تے اپݨے پِیؤ حضرت اِسحاق در، جیہڑے مُلخے کَنعان وِچ سݨ، روانہ ہوئے. اُنہاں اپݨا سارا مال ڈنگر اپݨے اگے ٹوری شوڑیا سی، تے اپݨے نال او سارا سامان کھڑیا جیہڑا اُنہاں اُتھے فدان آرام وِچ جمع کیتا سی.

توریت شریف: پَیدایش 32:11

ہُݨ مہاڑی عرض سُݨی کِہن، تے مہاڑے پہراؤ اِیسَو کولوں مِکی بچائی کہن. میں اُس کولوں ڈرنا آں کہ او اچھی کے مِکی تے مہاڑیاں بچّیاں کی ماواں سمیت ماری ناں سٹے۔

توریت شریف: پَیدایش 32:7

پر حضرت یعقُوب بہُوں ڈری کے پریشان ہوئی گئے، تے اُنہاں اپݨے نال آلیاں بندیاں کی دوآں حصیاں وِچ تے پہڈاں، بکریاں،گاںئیاں، دانداں تے اُونٹھاں کی دوآں اجڑاں وِچ تقسیم کری شوڑیا.

توریت شریف: پَیدایش 32:8

اُنہاں نا خیال اے سی کہ جے اِیسَو اچھی کے اِک گروہ پر حملہ کرسی، تے باقی گروہ شاید بچی جائے۔

توریت شریف: پَیدایش 33:1

حضرت یعقُوب اُپر تکیا کہ حضرت اِیسَو چار سو بندے نال کہنی کے اچھݨے پئے. تاں فِر اُنہاں بچّیاں کی بی بی لیاہ، بی بی راخِل تے دوآں لُونڈیاں وِچ بَنڈی شوڑیا.

توریت شریف: پَیدایش 33:15

فِر حضرت اِیسَو آخیا، ”جے تُہاڑی مرضی ہووے تے میں اپݨے لوکاں وِچوں جیہڑے مہاڑے نال اݨ، کُج تہاڑے نال چھوڑاں۔“ پر حضرت یعقُوب آخیا، ”اِس نی کے ضرورت اے؟ تُساں نی رحم نی نظر مہاڑے واسطے بہُوں اے۔“

توریت شریف: پَیدایش 33:8

حضرت اِیسَو آخیا، ”اِنہاں ساریاں اجڑاں نا، جیہڑے تُوں مِکی دِتے، کَے مطلب اے؟“ حضرت یعقُوب جواب دِتا، ”تاںکہ میں تُساں نی نظراں وِچ مقبول ہوواں، مہاڑے مالک۔“

توریت شریف: پَیدایش 34:11

فِر سِکم اُنہاں کی آخیا، ”بس، تُساں مہاڑے پر کرم کرو، فِر جو کُج تُساں آخسو میں تُساں کی دیساں۔

توریت شریف: پَیدایش 47:25

اے سُݨی کے او آخݨ لغے، «تُساں جان بَچائی اَے. بس، ہُݨ اساں پر جناب نے کرم نی نظر رہے، تے اَساں فرعون نے غلام بݨے رہساں۔»