توریت شریف: پَیدایش 32:4 - Mirpuri-Pahari Bible

⁴ اُنہاں اِنہاں کی اے پیغام حضرت اِیسَو کی دیݨے واسطے آخیا، ”تُساں نا خادم یعقُوب تُساں کی اطلاع دیݨا کہ مَیں پردیس وِچ جائی کے ہالے تک لابن کول رہیا آں۔

توریت شریف: پَیدایش 32:4 ပူးပေါင်းရင်းမြစ်များ

توریت شریف: پَیدایش 23:6

”اے جناب! تُساں اَساں نے وِچ بہُوں بڑے سردار او. تُساں اساں نی ساریاں تُوں چنگی قبر وِچ میّت کی دَبی چھوڑو. اَساں وِچ اِیئے جہیا کوئی نی جیہڑا تُساں کی نہ کرے تے تُساں مَیت کی دَبی ناں سکو۔»

توریت شریف: پَیدایش 25:30

اُنہاں حضرت یعقُوب کی آخیا، ”اے رَتی دال مِکی کھَلائی شوڑ! میں بہُوں تھکیا وا آں!“ (فِر اُس واسطے اُنہاں نا ناں اَدُوم، جِس نا مطلب اے ”رتا“، وی ہوئی گیا۔)

توریت شریف: پَیدایش 27:29

قوماں تُہاڑی خدمت کرݨ، قبیلے تہاڑے سامݨے چُہکݨ، توں اپݨے پہراواں نا سردار ہوویں، تُہاڑی ماؤ نے پُتر تہاڑے اگے چُہکݨ، جیہڑا تہاڑے تے لعنت پہیجے آپوں لعنتی ہووے، جہیڑا تُکی برکت دَے او برکت کِہݨے۔“

توریت شریف: پَیدایش 27:37

حضرت اسحاق حضرت اِیسَو کی آخیا، ”میں اُس کی تُہاڑا سردار بݨائی شوڑیا اے، تے اِس نے ساریاں پہراواں کی اُس نے نوکر بݨائی شوڑیا اے! تے مَیں اِناج تے مَے اُس نے واسطے دِتی اے. مہاڑیا پترا، ہُݨ میں تہاڑے واسطے کَے کَراں؟“

توریت شریف: پَیدایش 31:41

میں وی سالاں تک اِسے حالت وِچ تُساں نے کہر رہیا آں. چوداں سالاں تک تُساں نیاں دوآں تیہاں واسطے، تے چھے سالاں تک تُساں نیاں پہڈاں بکریاں واسطے میں تُساں نی خدمت کیتی. تے تُساں دس واری مہاڑی مذدوری بدلائی۔

توریت شریف: پَیدایش 32:18

تے تُساں اے آخیا کہ ’اے تُساں نے خادم یعقُوب نے اݨ، تے اے نذرانہ اے جیہڑا تُساں واسطے پہیجیا گیا، تے او آپوں وی اَساں نے پِچھے اچھݨے پئے‘۔“

توریت شریف: پَیدایش 32:5

مہاڑے کول گاںئیاں، داند، کھوتے، پہڈاں، بکریاں تے نوکرچاکر اݨ. میں اپݨے مالک در اِس واسطے خبر پہیجݨا آں کہ مہاڑے در تُساں نی رحم نی نظر ہووے.“

توریت شریف: پَیدایش 33:14

مہاڑے آقا، تُساں مہاڑے کولوں پہلے ہی ٹُری جائو، تے میں ڈنگراں تے بچّیاں نے ٹرنے نے مطابق ہولیاں ہولیاں ٹُری کے تُساں کول سعیر وِچ اچھی پُہنچساں۔“

توریت شریف: پَیدایش 33:8

حضرت اِیسَو آخیا، ”اِنہاں ساریاں اجڑاں نا، جیہڑے تُوں مِکی دِتے، کَے مطلب اے؟“ حضرت یعقُوب جواب دِتا، ”تاںکہ میں تُساں نی نظراں وِچ مقبول ہوواں، مہاڑے مالک۔“

توریت شریف: پَیدایش 36:8

اِس واسطے حضرت اِیسَو جِنہاں کی ادوم وی آخݨے سݨ سَعِیر نے پہاڑی علاقے وِچ رہݨ لغی پئے۔

توریت شریف: پَیدایش 36:9

حضرت اِیسَو نیاں نسلاں، جِنہاں کی اَدومی اخݨے سݨ، اُنہاں نا شجرہ نسب اے اَے. او سَعِیر نے پہاڑی علاقے وِچ رہݨے سݨ.

توریت شریف: پَیدایش 4:7

جے تُوں چنگا کریں، تے میں تُکی قبُول کرساں. پر جے تُوں چنگا نہ کریں، تے فِر غُناہ جنگلی جانور نی طرح تہاڑے دروازے پر چُپ کری کے بیٹھا وا، تے تُکی شکار کرنا چاہݨا. پر تُوں اُس پر ڈاڈھا ہوئی جا۔“

اِنجِیل شریف (لُوقا) 14:11

کِیئانکہ جیہڑا کوئی اپݨے آپ کی بڑا سمجھݨا اے، اُس نی تَذلیل ہوݨی اَے۔ تے جیہڑا کوئی عاجِز بَݨنا اے، اُسی عِزّت لبھݨی اَے۔“