توریت شریف: پَیدایش 32:10 - Mirpuri-Pahari Bible

¹⁰ میں تُہاڑیاں ساریاں رحمتاں تے وفاداریاں نے قابل ناں، جہڑیاں تُوں اپݨے اِس بندے نال کیتاں، کِیئانکہ میں صرف اپݨی سوٹی کہنی کے دریائے اُردن نے پار گیا ساں، تے ہُݨ مہاڑے کول دو گروہ اݨ۔

توریت شریف: پَیدایش 32:10 ပူးပေါင်းရင်းမြစ်များ

توریت شریف: پَیدایش 18:27

فِر حضرت اِبراہِیم جواب دِتا، ”تک! میں رب نال گل کرنے نی جُرأت کیتی اے، حالانکہ مہاڑی کے حیثیت اے؟

توریت شریف: پَیدایش 24:12

تے دُعا کِیتی، ”اے رب، مہاڑے مالک حضرت اِبراہِیم نے خُدا، میں تُہاڑی مِنت کرنا آں کہ توں مہاڑا کم کری شوڑ، تے مہاڑے مالک حضرت اِبراہِیم پر کرم کر۔

توریت شریف: پَیدایش 24:27

تے آخیا، ”رب، مہاڑے مالک حضرت اِبراہِیم نے خُدا، تُہاڑی تعریف کیتی جائے. تُوں مہاڑے مالک نال اپݨا کرم تے وفا کیتی! تُوں مِکی ٹھیک رستے پر ٹوری کے مہاڑے مالکے نے پہراواں کول کہنی آندا۔»

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 30:43

اِس طرح او بہُوں امیر بݨی گئے، تے اُنہاں کول بہُوں سارے نوکر، اونٹھ، کھوتے تے اجڑ ہوئی گئے۔

توریت شریف: پَیدایش 31:3

فِر رب حضرت یعقُوب کی آخیا، ”تُوں اپݨے پیؤ دادے نے مُلخے وِچ اپݨے رِشتے داراں کول مُڑی جا، تے میں تہاڑے نال رہساں۔“

توریت شریف: پَیدایش 32:5

مہاڑے کول گاںئیاں، داند، کھوتے، پہڈاں، بکریاں تے نوکرچاکر اݨ. میں اپݨے مالک در اِس واسطے خبر پہیجݨا آں کہ مہاڑے در تُساں نی رحم نی نظر ہووے.“

توریت شریف: پَیدایش 32:7

پر حضرت یعقُوب بہُوں ڈری کے پریشان ہوئی گئے، تے اُنہاں اپݨے نال آلیاں بندیاں کی دوآں حصیاں وِچ تے پہڈاں، بکریاں،گاںئیاں، دانداں تے اُونٹھاں کی دوآں اجڑاں وِچ تقسیم کری شوڑیا.

اِنجِیل شریف (لُوقا) 17:10

اِس واسطے تُساں جِس ویلے اُنہاں حُکماں نی تعمِیل کرو جیہڑے تُساں کی دِتے گئے اݨ، تے آخیا کرو، ’اَساں ناچِیز آں۔ اَساں جو کُجھ کِیتا، او تے اَساں نا فرض سی۔‘ “

اِنجِیل شریف (لُوقا) 5:8

جِس ویلے حضرت شمعُون اے گل تکی، تے حضرت عِیسیٰ نے پَیراں وِچ پئی کے آخیا، ”حضُور! تُساں مہاڑے کولوں ہٹی جاؤ، کِیئانکہ میں بہُوں غُنہگار آں!“