توریت شریف: پَیدایش 31:5 - Mirpuri-Pahari Bible

⁵ تے اُنہاں آخیا، ”میں تکیا کہ تُساں نے پیُؤ نا رویہ پہلے نالوں کُج بدلیا وا، پر مہاڑے پیُؤ نے خُدا مہاڑا ساتھ دِتا اے۔

توریت شریف: پَیدایش 31:5 ပူးပေါင်းရင်းမြစ်များ

توریت شریف: پَیدایش 21:22

اُنہاں دیہاڑیاں وِچ بادشاہ ابی ملک تے اُس نے سپاہ سالار فِیکُول حضرت اِبراہِیم کی اچھی کے آخیا، ”ہر کم جیہڑا تُساں کرنے او، اُس وِچ اللّٰہ تعالیٰ تُساں نال ہوݨا۔

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 31:13

میں او خُدا آں جیہڑا بیت ایل وِچ تُہاڑے پر ظاہر ہویا سی، اُس جغہ جِتھے تُوں بٹے پر تیل بایا سی تے مہاڑے واسطے منت مَنی سی. ہُݨے اِس مُلخے وِچوں نکلی کے اپݨے وطنے در مُڑی جا۔“ “

توریت شریف: پَیدایش 31:29

مہاڑے وِچ اِتنا سَہ ہے کہ تُکی دُکھ دیاں. پر تہاڑے پیؤ نے خُدا کل راتی مِکی خواب وِچ آخیا، ”خبردار! تُوں یعقُوب کی چنگا مارا ناں آخیں۔“

توریت شریف: پَیدایش 31:4

تاں حضرت یعقُوب بی بی راخِل تے بی بی لیاہ کی میدانے وِچ جتھے اُنہاں نیاں پہڈاں بکریاں سݨ بُلایا۔

توریت شریف: پَیدایش 31:42

جے مہاڑے پیؤ اسحاق تے مہاڑے دادے اِبراہیم نا خُدا مہاڑے نال ناں ہوݨا، تے تُساں مِکی ضرور ہُݨ خالی ہتھ پہیجھی شوڑو ار. رب مہاڑی مصیبت تے مہاڑی ہتھاں نی محنت تکی، تے کل راتی تُساں کی ڈرایا وی اے۔“

توریت شریف: پَیدایش 31:53

حضرت اِبراہِیم تے نحور نا خُدا ساڑے وِچ انصاف کرے.“ جواب وِچ حضرت یعقُوب حضرت اسحاق نے خُدا نی قَسم کھادی کہ میں اے عہد کدے ناں تروڑݨ لغا۔

توریت شریف: پَیدایش 32:9

فِر حضرت یعقُوب دعا کیتی، ”اے مہاڑے دادا ابراہیم اور مہاڑے باپ اسحاق نے خدا، مہاڑی دعا سݨ! اے رب، تُوں آپوں مِکی دسیا، ’اپݨے ملک تے رشتے داراں کول واپس جا، تے میں تُکی کامیابی دیساں۔‘

توریت شریف: پَیدایش 48:15

اُنہاں حضرت یُوسف کی برکت دیݨیاں آخیا، «اللّٰہ تعالیٰ جس نے سامݨے مہاڑے پیؤ حضرت اسحاق تے مہاڑے دادے حضرت اِبراہِیم اپݨا زمانہ پورا کیتا، تے او اللّٰہ تعالیٰ جس ساری عمر اَج نے دیہاڑے تک مہاڑی رکھوالی کیتی اَے،

توریت شریف: پَیدایش 50:17

تُساں یُوسف کی اے آخیا کہ میں تُکی آخݨاں: تُوں اپݨے پہراواں نے غلط کم تے دوئے غناہ، یعنی جیہڑا اُنہاں تہاڑے نال مندا کِیتا سی، بخشی شوڑ۔ ہُݨ تُساں اپݨے پیؤ نے خُدا نے بندیاں نی غلطی معاف کری شوڑو۔» اُنہاں نی اے گل سُݨی کے حضرت یُوسف روݨ لغی پئے۔