توریت شریف: پَیدایش 31:3 - Mirpuri-Pahari Bible

³ فِر رب حضرت یعقُوب کی آخیا، ”تُوں اپݨے پیؤ دادے نے مُلخے وِچ اپݨے رِشتے داراں کول مُڑی جا، تے میں تہاڑے نال رہساں۔“

توریت شریف: پَیدایش 31:3 ပူးပေါင်းရင်းမြစ်များ

توریت شریف: پَیدایش 13:15

کِیئانکہ اے سارا مُلخ جیہڑا تُوں تکݨا ایں، میں تُکی تے تُہاڑیاں نسلاں کی ہمیشہ واسطے دیساں۔

توریت شریف: پَیدایش 21:22

اُنہاں دیہاڑیاں وِچ بادشاہ ابی ملک تے اُس نے سپاہ سالار فِیکُول حضرت اِبراہِیم کی اچھی کے آخیا، ”ہر کم جیہڑا تُساں کرنے او، اُس وِچ اللّٰہ تعالیٰ تُساں نال ہوݨا۔

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 28:4

او تُکی تے تُہاڑی نسلاں کی اے ساری زِیمی ملکیت وِچ دے، جِتھے تُوں پردیسی نی حیثیت نال رہݨا ایں. اے زمین او ہی اے جیہڑی اللّٰہ تعالیٰ حضرت اِبراہِیم کی برکت دیئی کے دِتی سی.“

توریت شریف: پَیدایش 30:25

یُوسف نے جمݨے تُوں بعد حضرت یعقُوب لابن کی آخیا، ”مِکی روانہ کرو، تانکہ میں اپݨے کہار تے اپݨے مُلخے در جاں۔

توریت شریف: پَیدایش 31:13

میں او خُدا آں جیہڑا بیت ایل وِچ تُہاڑے پر ظاہر ہویا سی، اُس جغہ جِتھے تُوں بٹے پر تیل بایا سی تے مہاڑے واسطے منت مَنی سی. ہُݨے اِس مُلخے وِچوں نکلی کے اپݨے وطنے در مُڑی جا۔“ “

توریت شریف: پَیدایش 31:18

تے اپݨے پِیؤ حضرت اِسحاق در، جیہڑے مُلخے کَنعان وِچ سݨ، روانہ ہوئے. اُنہاں اپݨا سارا مال ڈنگر اپݨے اگے ٹوری شوڑیا سی، تے اپݨے نال او سارا سامان کھڑیا جیہڑا اُنہاں اُتھے فدان آرام وِچ جمع کیتا سی.

توریت شریف: پَیدایش 31:2

تے حضرت یعقُوب لابن نا مُونہ تکی کے سمجھی کِہندا کہ اُس نا رویہ پہلے کولوں بدلیا وا اے.

توریت شریف: پَیدایش 31:4

تاں حضرت یعقُوب بی بی راخِل تے بی بی لیاہ کی میدانے وِچ جتھے اُنہاں نیاں پہڈاں بکریاں سݨ بُلایا۔

توریت شریف: پَیدایش 32:10

میں تُہاڑیاں ساریاں رحمتاں تے وفاداریاں نے قابل ناں، جہڑیاں تُوں اپݨے اِس بندے نال کیتاں، کِیئانکہ میں صرف اپݨی سوٹی کہنی کے دریائے اُردن نے پار گیا ساں، تے ہُݨ مہاڑے کول دو گروہ اݨ۔

توریت شریف: پَیدایش 32:5

مہاڑے کول گاںئیاں، داند، کھوتے، پہڈاں، بکریاں تے نوکرچاکر اݨ. میں اپݨے مالک در اِس واسطے خبر پہیجݨا آں کہ مہاڑے در تُساں نی رحم نی نظر ہووے.“

توریت شریف: پَیدایش 32:9

فِر حضرت یعقُوب دعا کیتی، ”اے مہاڑے دادا ابراہیم اور مہاڑے باپ اسحاق نے خدا، مہاڑی دعا سݨ! اے رب، تُوں آپوں مِکی دسیا، ’اپݨے ملک تے رشتے داراں کول واپس جا، تے میں تُکی کامیابی دیساں۔‘

توریت شریف: پَیدایش 35:1

فِر اللّٰہ تعالیٰ حضرت یعقُوب کی آخیا، ”تُوں ہُݨ ہی بیت ایل در جا، تے اُتھَے جائی کے بس. تے اُتھَے مہاڑے واسطے اِک قربانی دیݨے آلی جغہ بݨا، میں جیہڑا اُس ویلے تہاڑے پر ظاہر ہویا ساں جدوں تُوں اپݨے پہراؤ اِیسَو کولوں نسݨا پیا سیں۔“

توریت شریف: پَیدایش 35:3

اچھو، فِر اَساں بیت ایل در جاں. میں اُتھے اللّٰہ تعالیٰ واسطے قربانی دیݨے آلی اِک جغہ بݨاں، جس مہاڑی تنگی نے دیہاڑیاں وِچ مہاڑی دُعا قبول کیتی سی، تے جِدھر وی میں گیا آں، او مہاڑے نال ہی رہیا.“

توریت شریف: پَیدایش 50:24

فِر اِک دیہاڑے حضرت یُوسف اپݨے پہرواں کی آخیا، «میں مرنے آلا آں! اللّٰہ تعالیٰ یعقیناً تُساں نی مدد کرسی، تے تُساں کی اِس مُلخے وِچوں اُس مُلخے وِچ پُہنچاسی، جس نے دیݨے نی خُدا پیؤ یعقُوب ، دادے اسحاق، تے پڑدادے ابراہیم نال قسم کھادی سی۔»