توریت شریف: پَیدایش 30:32 - Mirpuri-Pahari Bible

³² اجازت دیو کہ میں آج تُساں نیاں ساریاں پہڈاں بکریاں وِچ جائی کے جتنیاں پہڈاں چمبیاں، ڈبیاں تے کالیاں ہویاں تے جتنیاں بکریاں ڈبیاں تے چمبیاں ہویاں، اِنہاں ساریاں کی کہنی کے اِک پاسے کری شوڑاں. تے اُنہاں کی ہی میں اپݨی تنخواہ سمجھساں۔

توریت شریف: پَیدایش 30:32 ပူးပေါင်းရင်းမြစ်များ

توریت شریف: پَیدایش 30:31

اُس آخیا، ”میں تُکی کَے دیاں؟“ حضرت یعقُوب آخیا، ”تُساں مِکی کُج وی ناں دیو. پر جے تُساں مہاڑے واسطے اِک کم کرو، تے میں تُساں نیاں پہڈاں بکریاں چراݨا رہساں تے اِنہاں نی دیخ بھال کرݨا رہساں۔“

توریت شریف: پَیدایش 30:33

اگے وی جس ویلے مہاڑی تنخواہ نا حساب تُساں نے سامݨے ہووے، تے مہاڑی سچائی آپوں ہی مہاڑی طرفوں اِس طرح گواہی دیسی. کِیئانکہ جیہڑیاں بکریاں چمبیاں تے ڈبیاں نی، تے جیہڑیاں پہڈاں کالیاں نی، جے او مہاڑے کول ہوݨ تے بس او چوری نیاں سمجیاں جاسݨ۔“

توریت شریف: پَیدایش 30:35

پر لابن اُسے دیہاڑے سارے لِیکاں آلے تے ڈبے بکرے تے ساریاں چمبیاں تے ڈبیاں بکرِیئاں جنہاں پر کُج چِٹے نِشان سݨ، تے ساریاں کالیاں پہڈاں الگ کیتیاں، تے اپݨے پُتراں نے حوالے کری شوڑیاں.

توریت شریف: پَیدایش 31:10

جِنہاں دیہاڑیاں وِچ پہڈاں بکریاں گبݨ ہویاں، اِک دیہاڑے میں خواب تکیا کہ جیہڑے بکرے بکریاں کول گئے او چمبے، ڈبے تے لیکاں آلے سݨ.

توریت شریف: پَیدایش 31:8

جس ویلے اُنہاں آخیا کہ ”چمبے بچے تُہاڑی مذدوری ہوسݨ“، تے پہڈاں بکریاں چمبے بچے دیݨ لغی پئیاں. تے جس ویلے اُنہاں آخیا کہ ”لیکاں آلے بچے تہاڑے ہوسݨ“، تے فِر پہڈاں بکریاں لیکاں آلے بچے دیݨ لغی پئیاں۔