توریت شریف: پَیدایش 30:20 - Mirpuri-Pahari Bible

²⁰ تاں بی بی لیاہ آخیا، ”اللّٰہ تعالیٰ مِکی اِک قیمتی تحفہ دِتا. ہُݨ مہاڑا کہرے آلا مہاڑی عزت کرسی، کِیئانکہ مہاڑے وِچوں اُس نے چِھ پُتر ہوئی گئے اݨ.“ اُنہاں پُترے نا ناں زبُولُون یعنی ”عزت“ رَکھیا۔

توریت شریف: پَیدایش 30:20 ပူးပေါင်းရင်းမြစ်များ

توریت شریف: پَیدایش 29:34

فِر او اِک ہور واری حاملہ ہوئی، تے اُنہاں اِک ہور پُتر جمیا. او آخݨ لغی، ”ہُݨ مہاڑے جݨے نال مہاڑا بندن مضبووط ہوئی جاسی، کِیئانکہ مہاڑے کولوں اُنہاں نا تہرِیآ پُتر جمیا اے۔“ اِس واسطے ترِیئے نا ناں لاوی یعنی بندن رخیا.

توریت شریف: پَیدایش 30:15

اُنہاں آخیا، ”اے کہٹ اے کہ تُوں مہاڑا کہرے آلا مہاڑے کولوں کھسی کِہندا! کَے تُوں ہُݨ مہاڑے مُنڈے نی لبھی وی بوٹی وی چائی کِہنسیں؟“ بی بی راخِل آخیا، ”بس! اج رات تہاڑے پُترے نی بوٹی نی خاطر یعقُوب تہاڑے کول سیسی!“

توریت شریف: پَیدایش 30:19

بی بی لیاہ فِر حاملہ ہوئی، تے حضرت یعقُوب وِچوں اُنہاں نا چھیواں پُتر ہویا.

توریت شریف: پَیدایش 30:21

چھیآں پُتراں تُوں بعد اُنہاں نی اِک تِہی جمی، تے اُس نا ناں اُنہاں دِینہ رکھیا۔

توریت شریف: پَیدایش 34:12

جتنا وی مہر تے تحفے تُساں مہاڑے کولوں منگسو، میں دیساں. پر کُڑی کی مہاڑے نال بیاہی شوڑو۔“

توریت شریف: پَیدایش 35:23

بی بی لیاہ نے پُتر روبن، جیہڑا حضرت یعقُوب نا بڑا پُتر سی، فِر شمعون، لاوی، یہوداہ، اِشکار تے زَبُولُون سݨ۔

توریت شریف: پَیدایش 46:14

زَبُولُون تے اُس نے پتر: سرد، ایلون تے یحلی ایل.

توریت شریف: پَیدایش 49:13

زبُولُون، تُوں سمندرے نے کِنارے پر رِہسیں، جتھے جہازاں واسطے بندرگاہ ہوسی. تے تُہاڑی حد شہر صیدا تک بڑی ہوسی۔