توریت شریف: پَیدایش 30:16 - Mirpuri-Pahari Bible

¹⁶ فِر نماشاں ویلے حضرت یعقُوب باڑیاں دروں اچھݨے سݨ کہ بی بی لیاہ اُنہاں کی مِلݨے وسطے گئی تے آخݨ لغی، ”تُساں کی آج مہاڑے کول اَچھݨا پیسی، کِیئانکہ میں اپݨے پُترے نی بوٹی تُساں نے بَدلے اُجرت دِتی.“ تاں فِر اُس راتی او بی بی لیاہ نال سُتے۔

توریت شریف: پَیدایش 30:16 ပူးပေါင်းရင်းမြစ်များ

توریت شریف: پَیدایش 30:14

اِک دیہاڑے کݨک کپݨے نے ویلے وِچ رُوبن کہروں نکلیا تے باڑی وِچوں اُس کی او بوٹی لبھی گئی جس نے کھاݨے نال بچّے جمݨے. تے او اپݨی ماؤ بی بی لیاہ کول کِہنی کے آیا. اے تکی کے بی بی راخِل بی بی لیاہ کی آخیا، ”اپݨے پُترے نی لبھی وی بوٹی وِچوں مِکی وی کُج دے۔“

توریت شریف: پَیدایش 30:15

اُنہاں آخیا، ”اے کہٹ اے کہ تُوں مہاڑا کہرے آلا مہاڑے کولوں کھسی کِہندا! کَے تُوں ہُݨ مہاڑے مُنڈے نی لبھی وی بوٹی وی چائی کِہنسیں؟“ بی بی راخِل آخیا، ”بس! اج رات تہاڑے پُترے نی بوٹی نی خاطر یعقُوب تہاڑے کول سیسی!“

توریت شریف: پَیدایش 30:17

اللّٰہ تعالیٰ بی بی لیاہ نی دعا سُݨی کِہندی، تے او فِر حاملہ ہوئی تے حضرت یعقُوب کولوں اُنہاں نا پنجواں مُنڈا جمیا.