توریت شریف: پَیدایش 3:5 - Mirpuri-Pahari Bible

⁵ بلکہ خُدا کی پتہ اے کہ جے تُساں اُس کی کھاسو تے تُساں نیاں اکھیاں کھُلی جاسݨ، تے نیکی تے بدی نا عِلم پائی کے تُساں خُدا اَر ہوئی جاسو.“

توریت شریف: پَیدایش 3:5 ပူးပေါင်းရင်းမြစ်များ

توریت شریف: پَیدایش 2:17

پر اچھے تے بُرے نی پہچان دیݨے آلے درخت نا پھل کدے ناں کھایاں. جے تُوں اُس کی کھاسیں، تے ضرُور مری جاسیں۔“

توریت شریف: پَیدایش 2:9

رب تعالیٰ ہر طرح نے سوہݨے درخت اُتھے جمائے، جیہڑے چنگا پھل دیݨے سݨ. باغ نے بِشکار دو درخت سݨ: اِک نا پھل کھاݨے نال زندگی لبھݨی سی، تے دُوئے نا پھل کھاݨے نال اچھے تے بُرے نی پہچان.

توریت شریف: پَیدایش 3:10

اُس جَواب دِتا، "میں باغے وِچ تُکی ٹُرݨیاں سُݨی کِہندا سی تے میں ڈری گیا ساں، کِیئانکہ میں ننگا ساں. تے میں اپݨے آپے کی چھپائی کِہندا سی۔"

توریت شریف: پَیدایش 3:22

فِر رب تعالیٰ آخیا، ”اِنسان اچھے تے بُرے نی پہچاݨ حاصل کری کے مہاڑے اَر ہوئی گیا اے. ہُݨ اِس طرح ناں ہوئے کہ او زندگی نے درختے نالوں پھل کھائے، تے ہمیشہ واسطے زندہ رہے۔“

توریت شریف: پَیدایش 3:7

اِک دم ہی اُنہاں نیاں اَکھاں کُھلی گئیاں، تے اُنہاں مَحسُوس کِیتا کہ او ننگے اݨ۔ فِر اُنہاں اپݨے آپے کی چھپاݨے واسطے انجِیر نے پتراں کی کٹھیاں کری کے سِیتا۔