توریت شریف: پَیدایش 3:23 - Mirpuri-Pahari Bible

²³ اِس واسطے رب تعالیٰ اُس کی عدن نے باغے وِچوں باہر کڈی شوڑیا، تانکہ اُس زِیمی وِچ کھیتی باڑی کرے جِس وِچوں اُس کی کِہندا گیا سی.

توریت شریف: پَیدایش 3:23 ပူးပေါင်းရင်းမြစ်များ

توریت شریف: پَیدایش 2:5

تے شروع وچ چہاڑیاں تے بُوٹے ہالے نی جمے سݨ. وجہ اے سی کہ رب تعالیٰ بارش نا انتظام نی کیتا سی، تے ہالے انسان وی پیدا نی ہویا سی کہ زِیمی پر کھیتی باڑی کرے۔

توریت شریف: پَیدایش 2:7

فِر رب تعالیٰ زِیمی نی مِٹی نال انسان بݨایا، تے اُس وِچ زندگی نا ساہ بایا. اِس طرح بندہ جیݨا جی ہوئی گیا۔

توریت شریف: پَیدایش 2:8

رب تعالیٰ مشرق آلے پاسے عَدن نے عِلاقے وِچ اِک باغ لایا، تے بݨائے وے انسان کی اِس وِچ رخیا۔

توریت شریف: پَیدایش 3:19

تُوں اُس ویلے تک روٹی کماݨے واسطے اپݨا پرسیو کڈسیں جدُوں تک تُوں زمِیں وِچ واپس نہ جائیں، کِیئانکہ تُوں مِٹی نال بݨایا گیا سیں. میں تُکی مِٹی وِچوں بݨایا، تَے تُوں فِر مٹی وِچ ہی مِلسیں۔“

توریت شریف: پَیدایش 3:22

فِر رب تعالیٰ آخیا، ”اِنسان اچھے تے بُرے نی پہچاݨ حاصل کری کے مہاڑے اَر ہوئی گیا اے. ہُݨ اِس طرح ناں ہوئے کہ او زندگی نے درختے نالوں پھل کھائے، تے ہمیشہ واسطے زندہ رہے۔“

توریت شریف: پَیدایش 3:24

انسان کی باہر کڈݨے تُوں بعد، زندگی نے درخت نے راہ نی حفاظت کرنے واسطے رب تعالیٰ باغِ عدن نے مشرق وِچ فرِشتیاں کی مقرر کِیتا، تے اُتھے ایہے جی تلوار رکھی، جِس وِچوں اَگ نکلݨی سی، تے او ہر طرف مُڑنی سی۔

توریت شریف: پَیدایش 4:12

جس ویلے تُوں زِیمی پر کھیتی باڑی کرسیں، تے او تُکی فصل نہ دیسی، تے پُوری دُنیا وِچ تُوں اِدھر اُدھر نیاں ٹھوکراں کھاسیں۔“

توریت شریف: پَیدایش 4:2

فِر قابیل نا پہرآ ہابیل جمیا. جدُوں او بڑے ہوئے، ہابیل پہڈاں بکریاں نا چراݨے آلا بݨی گیا، تے قابیل کھیتی باڑی کرنے آلا بݨی گیا۔

توریت شریف: پَیدایش 9:20

فِر حضرت نُوح زمینداری کرݨ لغے تے اُنہاں اِک انگُوراں نا باغ لایا۔