توریت شریف: پَیدایش 3:22 - Mirpuri-Pahari Bible

²² فِر رب تعالیٰ آخیا، ”اِنسان اچھے تے بُرے نی پہچاݨ حاصل کری کے مہاڑے اَر ہوئی گیا اے. ہُݨ اِس طرح ناں ہوئے کہ او زندگی نے درختے نالوں پھل کھائے، تے ہمیشہ واسطے زندہ رہے۔“

توریت شریف: پَیدایش 3:22 ပူးပေါင်းရင်းမြစ်များ

توریت شریف: پَیدایش 1:26

فِر اللّٰہ تعالیٰ آخیا، ”ہُݨ میں انسان کی بݨاں، جہیڑا مہاڑے اَر ہوسی. تے او مچھیاں پر، پرندیاں پر، مال ڈنگراں پر، جنگلی جانوراں پر، تے زِیمی پر سارے رینگݨے آلے جانداراں پر حکومت کرے۔“

توریت شریف: پَیدایش 2:9

رب تعالیٰ ہر طرح نے سوہݨے درخت اُتھے جمائے، جیہڑے چنگا پھل دیݨے سݨ. باغ نے بِشکار دو درخت سݨ: اِک نا پھل کھاݨے نال زندگی لبھݨی سی، تے دُوئے نا پھل کھاݨے نال اچھے تے بُرے نی پہچان.

توریت شریف: پَیدایش 3:21

تے رب تعالیٰ حضرت آدم واسطے تے اُس نی زناݨی واسطے چمڑے نے کپڑے بݨائی کے اُنہاں کی لوائے۔

توریت شریف: پَیدایش 3:23

اِس واسطے رب تعالیٰ اُس کی عدن نے باغے وِچوں باہر کڈی شوڑیا، تانکہ اُس زِیمی وِچ کھیتی باڑی کرے جِس وِچوں اُس کی کِہندا گیا سی.

توریت شریف: پَیدایش 3:5

بلکہ خُدا کی پتہ اے کہ جے تُساں اُس کی کھاسو تے تُساں نیاں اکھیاں کھُلی جاسݨ، تے نیکی تے بدی نا عِلم پائی کے تُساں خُدا اَر ہوئی جاسو.“