توریت شریف: پَیدایش 3:20 - Mirpuri-Pahari Bible

²⁰ حضرت آدم اپݨی زناݨی نا ناں ”حوا“ یعنی ”زندگی“ رخیا، کِیئانکہ بعد وِچ او سارے اِنساناں نی ماں بݨی گئی۔

توریت شریف: پَیدایش 3:20 ပူးပေါင်းရင်းမြစ်များ

توریت شریف: پَیدایش 16:11

توں حاملہ ایں، تے تُہاڑا اِک مُنڈا ہوسی. تُوں اُس نا ناں اسماعیل رخیاں، کِیئانکہ رب تُہاڑا دُکھ تے فریاد سُݨی کِہندی۔

توریت شریف: پَیدایش 2:20

اِس طرح بندے ساریاں مال ڈنگراں، پرندیاں تے جنگلی جانوراں نے ناں رخے. پر اِنسان واسطے کوئی وی چنگی مدد گار نی سی۔

توریت شریف: پَیدایش 2:23

بندے آخیا، ”اے مہاڑیاں ہڈیاں وِچوں ہڈی اے، تے مہاڑے گوشتے وِچوں گوشت اے! ہُݨ اِس کی ”اِشّاہ“ یعنی ”عورت“ آخیا جاسی، کِیئانکہ او ”اِیش“ یعنی ”مرد“ وِچوں کِہندی گئی اے۔“

توریت شریف: پَیدایش 3:21

تے رب تعالیٰ حضرت آدم واسطے تے اُس نی زناݨی واسطے چمڑے نے کپڑے بݨائی کے اُنہاں کی لوائے۔

توریت شریف: پَیدایش 35:18

اِس طرح ہویا کہ بی بی راخِل مرنیاں مرنیاں اُس پُترے نا ناں ”بن اونی“ یعنیٰ ”تکلیف نا پُتر“ رخیا، فِر آپوں مری گئی. پر حضرت یعقُوبؑ اُس نا ناں ”بن یامِین“ مطلب ”برکت آلا پُتر“ رخیا۔

توریت شریف: پَیدایش 5:29

جِس نا ناں اُس نُوح یعنی “آسانی“ رخیا. اُس آخیا، ”اساں نا کھیتی باڑی نا کم بہُوں ڈاڈھا اے، کِیئانکہ خُدا زمِیں پر لعنت پیہجی وی. پر ہُݨ اساں اِس پُترے نی وجہ نال سوخے ہوئی جاساں.“