توریت شریف: پَیدایش 28:3 - Mirpuri-Pahari Bible

³ اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 28:3 ပူးပေါင်းရင်းမြစ်များ

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 13:16

میں تُہاڑیاں نسلاں کی مٹی نیاں ذریاں نی طرح بڑاساں. جِسرح کوئی مٹی نیاں زریاں کی نی گِݨی سکݨا، اِسے طرح تُساں نی نسلاں کی وی کوئی نی گِݨی سکݨ لغا!

توریت شریف: پَیدایش 17:20

تے اسماعیل واسطے وی میں تُہاڑی دُعا سُݨی کِہندی. تک، میں اُس کی وی برکت دیساں. میں اُس کی پَھلݨ پھولݨ دیساں، تے اُس نی تعداد بہُوں ہی زیادہ بدھاساں. اِس کولوں بارہ شہزادے جَمسݨ، تے میں اُس کولوں اِک بڑی قوم وی بݨاساں۔

توریت شریف: پَیدایش 24:60

اُنہاں رِبقہ کی دُعاواں دِتیاں، ”تُہاڑی نسل لکھاں تے کروڑاں ہووے، تے او اپݨے دُشمݨاں پر فتح حاسل کرے!»

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 26:4

میں تُہاڑی اولاداں کی اِتنا بدھاساں جِس طرح آسمانے نے تارے اݨ، تے اے سارا مُلخ اُنہاں کی دیساں، تے دُنیا نیاں ساریاں قوماں تُہاڑی اولاداں نے وسیلے نال برکت کِہنسݨ.

توریت شریف: پَیدایش 27:33

حضرت اسحاق کی سخت کمݨی لغی گئی، تے اُنہاں آخیا، ”او کُݨ سی فِر، جیہڑا تہاڑے اچھݨے توں پہلوں مہاڑے واسطے شکار نا گوشت کہنی کے آیا سی؟ میں کھادا سی تے اُس کی برکت دِتی، تے ہُݨ مبارک او ہی ہوسی!“

توریت شریف: پَیدایش 35:11

اللّٰہ تعالیٰ حضرت یعقُوب کی آخیا، ”میں قادر مطلق خُدا آں. تُوں پَھلیں پُھلیں تے بَدھیں. تہاڑے کولوں اِک قوم بلکہ بہُوں ساریاں قوماں جمسݨ، تے بادشاہ تُہاڑی نسلاں وِچوں ہوسݨ.

توریت شریف: پَیدایش 41:52

تے دوئے نا ناں اِفرائِیم، اے آخی کے رخیا کہ، ”اللّٰہ تعالیٰ مِکی مہاڑے مصیبت نے مُلخے وِچ پھلدار کیتا اے»۔

توریت شریف: پَیدایش 43:14

تے اللّٰہ تعالیٰ اُس بندے کی تُساں پر مہربان کرے، تے تُساں نے دوئے پہراؤ، تے بن یامِین کی وی، تُساں نال موڑی کے پہیجھے- جِتے تک مہاڑی گل اے، جے میں بے اولاد ہوݨا ہویا، تے فِر اِسے طرح ہوسی!»

توریت شریف: پَیدایش 48:3

فِر اُنہاں حضرت یُوسف کی آخیا، «اللّٰہ تعالیٰ مہاڑے پر لُوز نے علاقے وِچ، جیہڑا مُلخ کَنعان وِچ اَے، ظاہر ہویا. اُس مِکی برکت دیئی کے

توریت شریف: پَیدایش 48:4

آخیا کہ ”میں تُکی پھلݨ پھُلݨ دیساں تے تُہاڑی تعداد بدھاساں۔ میں تہاڑے وِچوں بہُوں قبِیلے پیدا کرساں، تے تہاڑے پِچھے تُہاڑی نسلاں کی اے زِیمی ہمیشہ واسطے ملکیَت وِچ دیساں۔“

توریت شریف: پَیدایش 49:25

اے تہاڑے پِیؤ نا خُدا اَے جیہڑا تُہاڑی مدد کرسی، اللّٰہ تعالیٰ جیہڑا تُکی آسمان وِچوں بارِش، زمین نی گہرایئاں وِچوں پاݨی، تے اولاد نی برکت دیسی.

توریت شریف: پَیدایش 9:1

فِر اللّٰہ تعالیٰ حضرت نُوح کی تے اُنہاں نیاں پتراں کی برکت دتی تے آخیا، ”تُساں پھلو پھُولو، بدھو تے زِیمی پہرو۔