توریت شریف: پَیدایش 28:2 - Mirpuri-Pahari Bible

² تُوں اپݨے نانے بَتُو اِیل نے کہار فدان آرام وِچ جائی کے اُتھوں اپݨے مامے لابن نیاں تیہاں وِچوں اِک بیاہی کے کہنی آݨ۔

توریت شریف: پَیدایش 28:2 ပူးပေါင်းရင်းမြစ်များ

توریت شریف: پَیدایش 24:10

فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:29

بی بی رِبقہ نا اِک پہرآ سی جِس نا ناں لابن سی.

توریت شریف: پَیدایش 24:4

بلکہ توں مہاڑے مُلخے وِچ جائی کے مہاڑے رشتہ داراں وِچوں مہاڑے پُترے واسطے کُڑی کِہنی آݨسیں۔»

توریت شریف: پَیدایش 24:50

فِر لابن تے بِتُو ایل دوآں جواب دِتا، ”اے گل رب نی طرفوں ہوئی اے. تے فِر اساں تُساں کی کُج پہیڑا چنگا ناں آخݨے۔

توریت شریف: پَیدایش 25:20

حضرت اسحاق چالیاں سالاں نے سݨ جدوں اُنہاں بی بی رِبقہؑ نال بیاہ کِیتا سی، جیہڑی فدان آرام نے رہݨ آلے بِتُو ایل ارامی نی تِہی تے لابن ارامی نی پہیݨ سی۔

توریت شریف: پَیدایش 28:5

اے آخی کے حضرت اسحاق حضرت یعقُوب کی روانہ کیتا، تے او فدان آرام وِچ لابن کول گئے، جیہڑا بَتُو اِیل ارامی نا پُتر تے حضرت یعقُوب تے حضرت اِیسَو نا ماما سی۔

توریت شریف: پَیدایش 29:1

فِر حضرت یعقُوب اگے نکلی کے مشرقی لوکاں نے مُلخے وِچ پُہچی گئے.

توریت شریف: پَیدایش 31:18

تے اپݨے پِیؤ حضرت اِسحاق در، جیہڑے مُلخے کَنعان وِچ سݨ، روانہ ہوئے. اُنہاں اپݨا سارا مال ڈنگر اپݨے اگے ٹوری شوڑیا سی، تے اپݨے نال او سارا سامان کھڑیا جیہڑا اُنہاں اُتھے فدان آرام وِچ جمع کیتا سی.

توریت شریف: پَیدایش 32:10

میں تُہاڑیاں ساریاں رحمتاں تے وفاداریاں نے قابل ناں، جہڑیاں تُوں اپݨے اِس بندے نال کیتاں، کِیئانکہ میں صرف اپݨی سوٹی کہنی کے دریائے اُردن نے پار گیا ساں، تے ہُݨ مہاڑے کول دو گروہ اݨ۔

توریت شریف: پَیدایش 33:18

آخرکار حضرت یعقُوب ٹُرݨے ٹُرݨے سلامتی نال مُلکِ کَنعان نے شہر سِکم وِچ پُہنچے، تے اُنہاں اپݨے تمبو شہر نے سامݨے لائے۔ اِس طرح اُنہاں نا فدان آرام تُوں کَنعان تک نا سفر پُورا ہویا۔

توریت شریف: پَیدایش 35:9

حضرت یعقُوب نے فدان آرام توں اچھݨے تُوں بعد اللّٰہ تعالیٰ اُنہاں پر فِر ظاہر ہویا تے برکت دِتی۔

توریت شریف: پَیدایش 46:15

اے ساری حضرت یعقُوب نیاں اُنہاں پُتراں نی اولاد اے جیہڑے فدان آرام وِچ بی بی لیاہ توں جمے سݨ، تے بی بی لیاہ نی اِک تہی دینا وی سی. ساریاں تیہاں پُتراں تے پوتریاں نی تعداد تینتی بݨنی اے۔