توریت شریف: پَیدایش 28:18 - Mirpuri-Pahari Bible

¹⁸ حضرت یعقُوب سویرے سویرے اُٹھے، تے اُس بٹے کی جیہڑا اُنہاں اپݨے سِرے تھلے رخیا سی تَھمے نی طرح کھَلا کری شوڑیا. تے اُس پر تیل بائی کے اللّٰہ تعالیٰ واسطے مُختص کری شوڑیا۔

توریت شریف: پَیدایش 28:18 ပူးပေါင်းရင်းမြစ်များ

توریت شریف: پَیدایش 21:14

فِر حضرت اِبراہِیم سویرے سویرے اُٹھے، تے روٹی تے پاݨِیئے نی اِک مشک کِنہی کے بی بی ہاجرہ نے مونڈیاں پر رخی. اُنہاں حضرت اسماعیؑل کی بی بی ہاجرہؑ نے حوالے کِیتا، تے اُنہاں کی روانہ کِیتا. او ٹُری گئے، تے بیر سبع نے بیاباناں وِچ پھِرݨ لغی پئے۔

توریت شریف: پَیدایش 22:3

حضرت اِبراہِیم سویرے سویرے اُٹھے، تے قربانی کی ساڑنے واسطے لکڑیاں چیریاں، تے اپݨے کھوتے پر لدیاں. فِر اپݨے نوکراں وِچوں دوآں کی تے اپݨے پُترے حضرت اسحاق کی نال کِہندا، تے اُس جغہ در گئے جیہڑی اللّٰہ تعالیٰ اُنہاں کی دَسی سی۔

توریت شریف: پَیدایش 28:11

تے اِک جغہ رات کڈی کِیئانکہ سُورج ڈُبی گیا سی. اُنہاں اُتھوں اِک بٹہ کہنی کے اپݨے سِرے تھلے رخیا، تے اُس جغہ سیݨے واسطے لمے پئی گئے۔

توریت شریف: پَیدایش 31:13

میں او خُدا آں جیہڑا بیت ایل وِچ تُہاڑے پر ظاہر ہویا سی، اُس جغہ جِتھے تُوں بٹے پر تیل بایا سی تے مہاڑے واسطے منت مَنی سی. ہُݨے اِس مُلخے وِچوں نکلی کے اپݨے وطنے در مُڑی جا۔“ “

توریت شریف: پَیدایش 31:45

تاں حضرت یعقُوب اِک بٹہ کہنی کے اُس کی تَھمے نی طرح کھلاریا۔

توریت شریف: پَیدایش 35:14

فِر حضرت یعقُوب اُس جغہ جتھے اللّٰہ تعالیٰ اُنہاں نال ہم کلام ہویا سی یاداشت واسطے اِک بٹہ کھلائی کے اِک تھم بݨایا، تے اُس پر مَے تے زیتون نا تیل بائی کے اللّٰہ تعالیٰ واسطے مُقدس چھوڑیا.

توریت شریف: پَیدایش 35:20

حضرت یعقُوب اُنہاں نی قبرے پر بٹے نا اِک تَھم کھَلایا تے ہالے تک اے تَھم بی بی راخِل نی قبرے پر لغا وا اے۔