توریت شریف: پَیدایش 28:11 - Mirpuri-Pahari Bible

¹¹ تے اِک جغہ رات کڈی کِیئانکہ سُورج ڈُبی گیا سی. اُنہاں اُتھوں اِک بٹہ کہنی کے اپݨے سِرے تھلے رخیا، تے اُس جغہ سیݨے واسطے لمے پئی گئے۔

توریت شریف: پَیدایش 28:11 ပူးပေါင်းရင်းမြစ်များ

توریت شریف: پَیدایش 28:18

حضرت یعقُوب سویرے سویرے اُٹھے، تے اُس بٹے کی جیہڑا اُنہاں اپݨے سِرے تھلے رخیا سی تَھمے نی طرح کھَلا کری شوڑیا. تے اُس پر تیل بائی کے اللّٰہ تعالیٰ واسطے مُختص کری شوڑیا۔

توریت شریف: پَیدایش 31:46

فِر اُنہاں اپݨے ساتھیاں کی آخیا، ”بٹے جمع کرو!“ اُنہاں جمع کری کے ٹہیر لایا، تے اُس ٹہیرے کول اِنہاں روٹی کھادی۔

توریت شریف: پَیدایش 15:12

سُورج نے ڈُبݨے ویلے حضرت ابرام کی سخت نِیندر آئی گئی، تے اُنہاں پر بہُوں زیادہ کالا تے خوفناک نہیرا پئی گیا۔

توریت شریف: پَیدایش 28:19

اُنہاں اِس جغہ نا ناں بیت ایل یعنی اللّٰہ تعالیٰ نا کہار رخیا، پر پہلے اُس جغہ نا ناں لُوز سی۔