توریت شریف: پَیدایش 28:1 - Mirpuri-Pahari Bible

¹ فِر حضرت اسحاق حضرت یعقُوب کی بُلائی کے خیر نی دُعا دتی، تے حکم دِتا، ”توں اِس کَنعان مُلخے نی کُسے کُڑی نال بیاہ ناں کریاں۔

توریت شریف: پَیدایش 28:1 ပူးပေါင်းရင်းမြစ်များ

توریت شریف: پَیدایش 24:3

میں تہاڑے کولوں رب نی قسم کِہننا آں، جیہڑا دوآں جہاناں نا مالک اے، کہ تُوں کنعانیاں وِچوں جِہناں نے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 24:37

مہاڑے مالک مِکی قسم دِتی کہ ’تُوں کنعانیاں وِچوں جِہناں نے مُلخے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 24:4

بلکہ توں مہاڑے مُلخے وِچ جائی کے مہاڑے رشتہ داراں وِچوں مہاڑے پُترے واسطے کُڑی کِہنی آݨسیں۔»

توریت شریف: پَیدایش 27:4

مہاڑی پسند نے مطابق مزیدار پکائی کے مہاڑے اگے آݨ، تانکہ میں کھاں تے تُکی اپݨے جِیݨیاں ہی دعا دیاں۔“

توریت شریف: پَیدایش 27:46

فِر بی بی رِبقہ حضرت اسحاق کی آخیا، ”میں اپݨیاں حِتی قبیلے نیاں نُوآں نے رَوَیے کولوں تنگ آئی گئی آں. جے یعقُوب حِتی کُڑیاں وِچوں، جِیئے جیاں اِس مُلخے نیاں کُڑیاں اݨ، بیاہ کری کہنے، تے بہتر اے کہ میں پہلے مری جاں!“

توریت شریف: پَیدایش 28:6

حضرت اِیسَو کی پتہ لغا کہ حضرت اسحاق یعقُوب کی دُعا دیئی کے فدان آرام در پہیجیا سی تانکہ او اُتھوں بیاہ کری کے اَچھَے، تے اُس کی دُعا دیݨے ویلے اے وی آخیا کہ ”کنعانیاں وچوں بیاہ ناں کریاں“.

توریت شریف: پَیدایش 34:16

فِر اَساں اپݨیاں تہیئاں تُساں کی دیساں، تے تُساں نیاں تیہاں اساں کری کہنساں. اساں تُساں نال رہساں، تے فِر اَساں سارے اِک قوم ہوئی جاساں۔

توریت شریف: پَیدایش 34:9

تُساں اَساں نال وٹہ سٹہ کری کہنو. تُساں اپݨیاں تیہاں اَساں کی دیو، تے اَساں نیاں تیہاں تُساں کری کہنو۔

توریت شریف: پَیدایش 38:2

تے یہُودہ اُتھے شُوع نامی اِک کنعانی نی تیہوں کی تکیا، تے اُس نال بیاہ کیتا۔

توریت شریف: پَیدایش 48:15

اُنہاں حضرت یُوسف کی برکت دیݨیاں آخیا، «اللّٰہ تعالیٰ جس نے سامݨے مہاڑے پیؤ حضرت اسحاق تے مہاڑے دادے حضرت اِبراہِیم اپݨا زمانہ پورا کیتا، تے او اللّٰہ تعالیٰ جس ساری عمر اَج نے دیہاڑے تک مہاڑی رکھوالی کیتی اَے،

توریت شریف: پَیدایش 49:28

اے بنی اِسرائیل نے کُل بارہ قبیلے اݨ، تے اے او کُج اے جیہڑا اُنہاں نے پِیؤ اُنہاں کی برکت دیݨیاں آخیا. اُنہاں ہر اِک کی اُس نی اپݨی برکت دِتی.

توریت شریف: پَیدایش 6:2

اللّٰہ تعالیٰ نے نیک بندیاں اُنہاں کُڑیاں کی تکیا جیہڑیاں بہُوں سوہݨیاں سݨ۔ تاں اُنہاں اِنہاں کڑیاں وِچوں چُݨی کے بیاہ کیتا۔