توریت شریف: پَیدایش 27:41 - Mirpuri-Pahari Bible

⁴¹ فِر حضرت اِیسَو حضرت یعقُوب واسطے دِلے وِچ نفرت رکھی، کِیئانکہ اُنہاں نے پیؤ حضرت یعقُوب کی برکت دِتی سی. اُنہاں اپݨے دِلے وِچ آخیا، ”پیؤ نی موت نے دیہاڑے نیڑے اݨ، تے فِر میں اپݨے پہراؤ یعقُوب کی ماری سٹساں۔“

توریت شریف: پَیدایش 27:41 ပူးပေါင်းရင်းမြစ်များ

توریت شریف: پَیدایش 27:42

جیہڑے ویلے بی بی رِبقہ کی اُنہاں نے بڑے پُترے حضرت اِیسَو نیاں اے ساریاں گلاں پتہ لگیاں، اُنہاں اپݨے نکے پُترے حضرت یعقُوب کی بُلائی کے آخیا، ”تُہاڑا پہرآ اِیسَو بدلہ کِہننے واسطے تُکی قتل کرنا چاہݨا.

توریت شریف: پَیدایش 32:11

ہُݨ مہاڑی عرض سُݨی کِہن، تے مہاڑے پہراؤ اِیسَو کولوں مِکی بچائی کہن. میں اُس کولوں ڈرنا آں کہ او اچھی کے مِکی تے مہاڑیاں بچّیاں کی ماواں سمیت ماری ناں سٹے۔

توریت شریف: پَیدایش 32:3

فِر اُنہاں اپݨے اگے اگے خبر دیݨے آلیاں کی اپݨے پہراؤ حضرت اِیسَو در پہیجیا، جیہڑے سعیر یعنی ادوم نے ملکے وِچ آباد سݨ۔

توریت شریف: پَیدایش 32:6

بس خبر دیݨے آلے پیغام دیئی کے حضرت یعقُوب کول مڑی آئے تے آخݨ لغے، ”اساں تُساں نے پہراؤ حضرت اِیسَو کول گئے ساں تے پیغام دیئی شوڑیا. تے او چار سو بندیاں کی نال کہنی کے تُساں کی مِلنے کی اچھݨے پے۔“

توریت شریف: پَیدایش 35:29

تاں او فوت ہوئی گئے. او چنگے بُڈھے تے پوری عمر نے ہوئی کے اپݨے رشتہ داراں نال دوئے جہان وِچ جائی مِلے. تے اُنہاں نیاں پُتراں حضرت اِیسَو تے حضرت یعقُوب اُنہاں کی دَبی شوڑیا۔

توریت شریف: پَیدایش 37:18

جدُوں اُنہاں حضرت یُوسف کی دُوروں اچھݨیاں تکیا، تے اُنہاں نے پُنہچݨے تُوں پہلاں ہی اُنہاں اے سازش کِیتی کہ ’اِس کی قتل کری شوڑاں‘۔

توریت شریف: پَیدایش 37:4

فِر حضرت یُوسف نے پہراواں تکیا کہ ساڑا پِیؤ یُوسف کی اساں کولوں زیادہ پیار کرنا- اِس واسطے او حضرت یُوسف نال نفرت کرݨ لغی پئے، تے چنگی طرح اُنہاں نال گلاں وی نی کرنے سݨ۔

توریت شریف: پَیدایش 37:8

اے سُݨی کے اُنہاں نے پہراواں آخیا، «بس! واقعی تُوں اَساں پر بادشاہی کرسیں تے حُکم چلاسیں؟» حضرت یُوسف نے خواب تے گلاں نی وجہ نال اُنہاں نے پہرآ اُنہاں نال ہور وی نفرت کرݨ لغی پئے۔

توریت شریف: پَیدایش 50:15

جدوں حضرت یُوسف نے پہراواں تکیا کہ اُنہاں نا پِیؤ مری گیا اے، او آخݨ لغے کہ ”شائد ہݨ یُوسف اساں نال دُشمݨی کرے، تے او ساری بُرائی جیہڑی اساں اُس نال کیتی سی، اُس نا پُورا پورا بدلہ کِہنے.“

توریت شریف: پَیدایش 50:2

اُنہاں اپݨے مُلازم حکیماں کی اپݨے پیؤ نی لاش کی محفوظ کرنے واسطے مصالحہ لاݨے نا حُکم دِتا۔ فِر حکیماں اِسرح ہی کِیتا.