توریت شریف: پَیدایش 27:4 - Mirpuri-Pahari Bible

⁴ مہاڑی پسند نے مطابق مزیدار پکائی کے مہاڑے اگے آݨ، تانکہ میں کھاں تے تُکی اپݨے جِیݨیاں ہی دعا دیاں۔“

توریت شریف: پَیدایش 27:4 ပူးပေါင်းရင်းမြစ်များ

توریت شریف: پَیدایش 14:19

اُس حضرت ابرام کی برکت دیݨیاں آخیا، ”اللّٰہ سبحانه و تعالیٰ نی طرفوں، جیہڑا آسمان تے زِیمی نا خالق اے، ابرام پر برکت ہووے۔

توریت شریف: پَیدایش 24:60

اُنہاں رِبقہ کی دُعاواں دِتیاں، ”تُہاڑی نسل لکھاں تے کروڑاں ہووے، تے او اپݨے دُشمݨاں پر فتح حاسل کرے!»

توریت شریف: پَیدایش 27:14

تاں فِر او گئے تے اپݨی ماؤ کی اُہے جے ہی دو بکروٹے آݨی کے دِتے، تے اُنہاں نی ماؤ اُنہاں نے پیؤ واسطے اُنہاں نی پسند نے مطابق مزیدار کھاݨا تیار کِیتا.

توریت شریف: پَیدایش 27:17

تے او مذیدار کھاݨا تے روٹی، جیہڑی اُس پکائی سی، اپݨے پتر حضرت یعقُوب نے ہتھے وِچ دِتی.

توریت شریف: پَیدایش 27:19

حضرت یعقُوب اپݨے پیؤ کی آخیا، ”میں تُساں نا بڑا پُتر اِیسَو آں، تے میں تُساں نے آخݨے نے مطابق کری چھوڑیا. ہُݨ تُساں ذرا اُٹھی کے مہاڑے شکارے نا گوشت کھاؤ، تانکہ تُساں مِکی برکت دیو۔“

توریت شریف: پَیدایش 27:23

اُنہاں حضرت یعقُوب کی نی سیاݨیا، کِیئانکہ اُنہاں نیاں ہتھاں پر اُنہاں نے پہراؤ حضرت اِیسَو نیاں ہتھاں نی طرح بال سݨ. فِر حضرت اسحاق اُنہاں کی برکت دیݨے آلے سݨ کہ

توریت شریف: پَیدایش 27:25

تاں اُنہاں آخیا، ”پُترا، مہاڑے اگے شکار نا کھاݨا رَکھ، تانکہ میں تُہاڑا شکار کھاں تے تُکی برکت دیاں.“ فِر حضرت یعقُوب روٹی اُنہاں اگے رکھی تے اُنہاں کھادی. تے حضرت یعقُوب اُنہاں واسطے مَے آندی تے اُنہاں پیتی۔

توریت شریف: پَیدایش 27:27

حضرت یعقُوب ، کول جائی کے، حضرت اسحاق کی چُمیا. جدوں حضرت یعقُوب نے کپڑیاں کولوں اِیسَو نی خوشبو آئی، تے حضرت اسحاق برکت دیݨیاں آخیا، ”تکو، مہاڑے پُترے نی خوشبو اُس باڑی نی خُوشبو نی طرح اے، جِسی رب برکت دِتی اے!

توریت شریف: پَیدایش 27:31

اُنہاں وی مزیدار کھاݨا پکائی کے اپݨے پیؤ کول آندا تے آخیا، ”مہاڑے پیؤ، اُٹھی کے اپݨے پُترے نے شکار نا گوشت کھائو، تانکہ تُساں مِکی برکت دیو۔“

توریت شریف: پَیدایش 27:5

جدوں حضرت اسحاق اپݨے پُترے حضرت اِیسَو نال گلاں کرنے سݨ، تے بی بی رِبقہ سُݨنی پئی سی. تے جس ویلے حضرت اِیسَو جنگل وِچ گئے تانکہ شکار ماری کے آݨݨ،

توریت شریف: پَیدایش 27:7

کہ ”مہاڑے واسطے شکار ماری کے مزیدار کھاݨا پکا، تانکہ میں کھاں تے اپݨے جِیݨیاں ہی تُکی رب نے سامݨے برکت دیاں“۔

توریت شریف: پَیدایش 27:9

جائی کے اَجڑے وِچوں چنگے چنگے دو بکروٹے مِکی آݨی دے، تے میں اِنہاں کی تہاڑے پیؤ واسطے اِس نی مرضی نے مطابق مزیدار کھاݨا تیار کری کے دیاں.

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 48:9

حضرت یُوسف اپݨے پیؤ کی آخیا، «اے مہاڑے پُتر اݨ، جیہڑے اللّٰہ تعالیٰ اِتھے مِصر وِچ مِکی دِتے۔» تے حضرت یعقُوب آخیا، «ذرا مہاڑے کول اِنہاں کی آݨ، تاںکہ میں اِنہاں کی برکت دیاں۔»

توریت شریف: پَیدایش 49:28

اے بنی اِسرائیل نے کُل بارہ قبیلے اݨ، تے اے او کُج اے جیہڑا اُنہاں نے پِیؤ اُنہاں کی برکت دیݨیاں آخیا. اُنہاں ہر اِک کی اُس نی اپݨی برکت دِتی.

اِنجِیل شریف (لُوقا) 2:34

حضرت شمعُون اُنہاں کی دُعا دِتی، تے بی بی مَریم کی آخیا، ”اِس بچّے نے ذرِیعے بنی اِسرائیل وِچ بہُوں سارے لوک نجات حاصل کرسݨ، تے بہُوں سارے برباد ہوسݨ، تے لوک اِس نے مُخالف ہوسݨ۔

اِنجِیل شریف (لُوقا) 24:51

فِر اِسرح ہویا کہ برکت نی دُعا کرنیاں کرنیاں حضرت عِیسیٰ کی آسماناں اپر کِہنی کَھڑیا گیا۔