توریت شریف: پَیدایش 27:29 - Mirpuri-Pahari Bible

²⁹ قوماں تُہاڑی خدمت کرݨ، قبیلے تہاڑے سامݨے چُہکݨ، توں اپݨے پہراواں نا سردار ہوویں، تُہاڑی ماؤ نے پُتر تہاڑے اگے چُہکݨ، جیہڑا تہاڑے تے لعنت پہیجے آپوں لعنتی ہووے، جہیڑا تُکی برکت دَے او برکت کِہݨے۔“

توریت شریف: پَیدایش 27:29 ပူးပေါင်းရင်းမြစ်များ

توریت شریف: پَیدایش 12:3

جیہڑے تُکی مبارک دیسݨ، اُنہاں کی میں برکت دیساں. تے جیہڑا تُہاڑے پر لعنت پہیجسی، اُس اپر میں لعنت پہیجساں. تے دُنیا اپر ساریاں قوماں تہاڑے وسیلے نال برکت کِہنسݨ۔“

توریت شریف: پَیدایش 25:33

حضرت یعقُوب آخیا، ”ہپہلے مہاڑے اگے قسم کھا.“ تے اُنہاں قسم کھادی، تے بڑے ہوݨے نا حق حضرت یعقُوب اگے بیچی شوڑیا۔

توریت شریف: پَیدایش 27:30

جس ویلے حضرت اسحاق اپݨے پُترے حضرت یعقُوب کی برکت دیئی شوڑی تے او اپݨے پیؤ کولوں جُوں باہر نکلے ہی سݨ، کہ حضرت اِیسَو اپݨا شکار کہنی کے مُڑی آئے.

توریت شریف: پَیدایش 27:37

حضرت اسحاق حضرت اِیسَو کی آخیا، ”میں اُس کی تُہاڑا سردار بݨائی شوڑیا اے، تے اِس نے ساریاں پہراواں کی اُس نے نوکر بݨائی شوڑیا اے! تے مَیں اِناج تے مَے اُس نے واسطے دِتی اے. مہاڑیا پترا، ہُݨ میں تہاڑے واسطے کَے کَراں؟“

توریت شریف: پَیدایش 27:40

تہاڑی زندگی تلواراں نے زورے پر لنگسی، تے تُوں اپݨے پہراؤ نی خدمت کرسیں. پر جدوں تُوں بے چین ہوئی جاسیں، تے تُوں اُس نی غلامی نی زنجِیر اپݨے گلے وِچوں کہڈی کے سٹی شوڑسیں.“

توریت شریف: پَیدایش 37:10

جِسلے اُنہاں اپݨے والد کی وی اے خواب دسیا، تے والد اُنہاں کی چاڑنیاں آخیا کہ «تُوں اے کَے خواب تکیا؟ واقعی، میں، تُہاڑی ما، تے تُہاڑے پہرآ تُہاڑے اگے زِیمی پر سجدہ کرساں؟»

توریت شریف: پَیدایش 37:7

میں کے تکیا؟ کہ اساں باڑی وِچ کݨک نیاں گڈیاں بننے ساں، تے مہاڑی گڈی اُٹھی، تے سِدھی کھلی رہی، تے تُساں نیاں گڈیاں مہاڑی گڈی کی چوآں پاسیوں کہیری، تے اُس نے اگے چُہکی گیاں۔»

توریت شریف: پَیدایش 9:27

اللّٰہ کرے کہ یافثؑ نیاں حداں بدی جاݨ. تے اُس نی اولاد سام نے لوکاں نال رہے، تے کَنعان یافثؑ نا غُلام ہووے.“