توریت شریف: پَیدایش 27:19 - Mirpuri-Pahari Bible

¹⁹ حضرت یعقُوب اپݨے پیؤ کی آخیا، ”میں تُساں نا بڑا پُتر اِیسَو آں، تے میں تُساں نے آخݨے نے مطابق کری چھوڑیا. ہُݨ تُساں ذرا اُٹھی کے مہاڑے شکارے نا گوشت کھاؤ، تانکہ تُساں مِکی برکت دیو۔“

توریت شریف: پَیدایش 27:19 ပူးပေါင်းရင်းမြစ်များ

توریت شریف: پَیدایش 25:25

جیہڑا پہلے جمیا او رَتا سی، تے اِس طرح لغݨا سی جِس طرح اُس بالاں آلا کوٹ لایا وا. اِس واسطے اِس نا ناں اِیسَو مطلب ”بالدار“ رخیا گیا۔

توریت شریف: پَیدایش 25:28

حضرت اسحاق حضرت اِیسَو نال بہُوں لاڈ کرنے سݨ، کِیئانکہ او اُنہاں نا شکار کیتا وا گوشت کھاݨے سݨ. پر بی بی رِبقہ حضرت یعقُوب نال بہُوں لاڈ کرنے سݨ۔

توریت شریف: پَیدایش 27:18

فِر حضرت یعقُوبؑ اپݨے پیؤ کول اچھی کے آخیا، ”مہاڑے پیُؤ!“ پیؤ آخیا، ”پُترا، توں کُݨ ایں؟“

توریت شریف: پَیدایش 27:21

فِر حضرت اسحاق اپݨے پُترے حضرت یعقُوب کی آخیا، ”پُترا، ذرا مہاڑے نیڑے ہو تانکہ میں تُکی ٹٹولی کے تکاں کہ تُوں مہاڑا پتر اِیسَو ہی ایں یا نی.“

توریت شریف: پَیدایش 27:31

اُنہاں وی مزیدار کھاݨا پکائی کے اپݨے پیؤ کول آندا تے آخیا، ”مہاڑے پیؤ، اُٹھی کے اپݨے پُترے نے شکار نا گوشت کھائو، تانکہ تُساں مِکی برکت دیو۔“

توریت شریف: پَیدایش 27:35

پر حضرت اسحاق آخیا، ”تُہاڑا پہرآ تہوخے نال اچھی کے تُہاڑی برکت کِہنی گیا اے!“

توریت شریف: پَیدایش 27:4

مہاڑی پسند نے مطابق مزیدار پکائی کے مہاڑے اگے آݨ، تانکہ میں کھاں تے تُکی اپݨے جِیݨیاں ہی دعا دیاں۔“

توریت شریف: پَیدایش 27:45

جدوں اُس نا غُصہ ختم ہوئی جاسی تے او اُس گل کی جیہڑی تُوں اُس نال کیتی پُہلی جاسی، فِر میں تُکی اُتھوں بُلائی کِہنساں۔ میں اِک ہی دیہاڑے تُساں دوآں کی گُماݨا ناں چاݨی!“