توریت شریف: پَیدایش 26:7 - Mirpuri-Pahari Bible

⁷ اُتھَے نے رہݨ آلیاں لوکاں اُنہاں نی کہرے آلی نے بارے وِچ پُچھیا، تے حضرت اسحاق آخیا، ”او مہاڑی پہیݨ اے“، کِیئانکہ او اپݨی زناݨی دسݨیاں ڈرنے سݨ. اُنہاں اے سوچیا کہ ”اِتھَے نے لوک رِبقہ کی حاصِل کرنے واسطے مِکی ماری نہ شوڑݨ“، کِیئانکہ او بہُوں سُہݨی سی۔

توریت شریف: پَیدایش 26:7 ပူးပေါင်းရင်းမြစ်များ

توریت شریف: پَیدایش 12:11

جس ویلے او مصر وِچ داخل ہوݨے آلے سݨ، تے اُنہاں اپݨی زناݨی ساری کی آخیا، ”مِکی پَتہ اے کہ توں سوہنی زناݨی ایں۔

توریت شریف: پَیدایش 12:13

مہربانی کری توں اِس طرح آخیں کہ ”میں ابرام نی پہیݨ آں“، تانکہ تہاڑی وجہ نال مہاڑی خیر ہووے تے مہاڑی جان بَچی رہے۔“

توریت شریف: پَیدایش 12:15

فِر جدُوں بادشاہ فرعُون نے حاکماں اُس کی تکیا، تے اُنہاں بادشاہ نے سامݨے اُس نی بہُوں تعریف کیتی. تے اخر کار اُس کی مہل وِچ آندا گیا۔

توریت شریف: پَیدایش 20:11

حضرت اِبراہِیم آخیا، ”مہاڑا خیال سی کہ اِس جغہ وِچ اللّٰہ تعالیٰ نا خوف بالکل ناں ہوسی، تے لوک مِکی مہاڑی زناݨی نی وجہ نال ماری شوڑسݨ۔

توریت شریف: پَیدایش 20:2

تے اُتھے اُنہاں اپݨی زناݨی بی بی سارہ نے بارے وِچ لوکاں کی دسیا کہ ”اے مہاڑی پہیݨ اے“. اِس واسطے جرار نے بادشاہ ابی مَلک بی بی سارہ کی بُلائی کِہندا۔

توریت شریف: پَیدایش 20:5

کے حضرت اِبراہِیم آپوں مِکی نی آخیا کہ اے مہاڑی پہیݨ اے؟ تے اُس وی اے ہی نی آخیا کہ او مہاڑا پہرآ اے؟ مہاڑی نیت صاف سی، تے میں کوئی غلط کم نی کِیتا۔“

توریت شریف: پَیدایش 24:16

او کُڑی بہُوں ہی سُہݨی کنواری سی، تے بالکل پاک صاف سی۔ او تھَلے کھوئے کول گئی، تے فِر اپݨا کہڑا پَہری کے اُتھوں مُڑی۔

توریت شریف: پَیدایش 26:6

بس فِر حضرت اسحاق مُلک جرار وِچ رہݨ لغے۔

توریت شریف: پَیدایش 26:8

جدوں اُنہاں کی اُتھے رہݨیاں ہویاں بہُوں دیہاڑے ہوئی گئے، تے فلستیاں نے بادشاہ ابی ملک کھڑکی وِچوں تکیا کہ حضرت اسحاق اپݨی زناݨی بی بی رِبقہ نال ہسݨے کھیڑنے پئے۔

توریت شریف: پَیدایش 29:17

لیاہ نیاں اکھیاں سوہݨیاں سݨ، پر راخِل ہر طرح نال سوہݨی سی۔