توریت شریف: پَیدایش 26:34 - Mirpuri-Pahari Bible

³⁴ جس ویلے حضرت اِیسَو چالیاں سالاں نے ہوئے، تے اُنہاں حِتی قبیلے وِچوں دو کُڑیاں نال بیاہ کیتا: اِک بیری نی تہی یہودت، تے دُوئی ایلون نی تہی بشامتھ.

توریت شریف: پَیدایش 26:34 ပူးပေါင်းရင်းမြစ်များ

توریت شریف: پَیدایش 24:3

میں تہاڑے کولوں رب نی قسم کِہننا آں، جیہڑا دوآں جہاناں نا مالک اے، کہ تُوں کنعانیاں وِچوں جِہناں نے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 27:46

فِر بی بی رِبقہ حضرت اسحاق کی آخیا، ”میں اپݨیاں حِتی قبیلے نیاں نُوآں نے رَوَیے کولوں تنگ آئی گئی آں. جے یعقُوب حِتی کُڑیاں وِچوں، جِیئے جیاں اِس مُلخے نیاں کُڑیاں اݨ، بیاہ کری کہنے، تے بہتر اے کہ میں پہلے مری جاں!“

توریت شریف: پَیدایش 28:8

فِر حضرت اِیسَو تکیا کہ کنعانی کڑیاں اُس نے پیؤ حضرت اسحاق کی مندیاں لغݨیاں،

توریت شریف: پَیدایش 28:9

اِس واسطے او حضرت اِسماعیؑل کول گئے تے مَحالت جیہڑی حضرت اسماعیؑل بن حضرت اِبراہِیم نی تِہی تے نبایوت نی پہیݨ سی نال بیاہ کِیتا، تے اپݨیاں دُویاں زناݨیاں وِچ شامل کِیتا۔

توریت شریف: پَیدایش 36:13

رَعُو ایل نے پتر اے سݨ: نحت، زارح، شَمہ تے مِزّہ. اے حضرت اِیسَو نی زناݨی بشامتھ نے پوترے سݨ۔

توریت شریف: پَیدایش 36:2

حضرت اِیسَو دو کنعانی کُڑیاں نال بیاہ کیتا: حِتّی قوم نے بندے ایلون نی تہی عَدہ نال، فِر عَنہ نی تہی اُہلی بامہ نال جیہڑی حِوّی قوم نے بندے صِبعون نی دوہتری سی.

توریت شریف: پَیدایش 36:5

تے اُہلی بامہ توں یَعوس، یعلام تے قورح پَیدا ہوئے۔ اے حضرت اِیسَو نے پُتر سݨ جیہڑے مُلخ کَنعان وِچ پَیدا ہوئے۔