توریت شریف: پَیدایش 26:31 - Mirpuri-Pahari Bible

³¹ سویرے اُٹھی کے اُنہاں اِک دوئے نال قسم کیتی، فِر حضرت اسحاق اُنہاں کی روانہ کری شوڑیا تے او اُنہاں کولوں خیری نال روانہ ہوئی گئے۔

توریت شریف: پَیدایش 26:31 ပူးပေါင်းရင်းမြစ်များ

توریت شریف: پَیدایش 14:22

پر حضرت ابرام اُس کی آخیا، ”میں ہُݨ رب، اللّٰہ سبحانه و تعالیٰ، جیہڑا آسمان تے زمین نا خالق و مالِک اے، اُس نی قسم چاݨا آں،

توریت شریف: پَیدایش 19:2

اُنہاں آخیا، ”اے مہاڑے مالک، مہاڑے نال مہاڑے کہار اچھو. اپݨے پیر تہؤ، راتی آرام کرو، تے سویرے اُٹھی کے اپݨا سفر جاری رخیا.“ اُنہاں جواب دِتا، ”ناں، اساں چوکے وِچ ہی رات لنگاساں۔“

توریت شریف: پَیدایش 21:14

فِر حضرت اِبراہِیم سویرے سویرے اُٹھے، تے روٹی تے پاݨِیئے نی اِک مشک کِنہی کے بی بی ہاجرہ نے مونڈیاں پر رخی. اُنہاں حضرت اسماعیؑل کی بی بی ہاجرہؑ نے حوالے کِیتا، تے اُنہاں کی روانہ کِیتا. او ٹُری گئے، تے بیر سبع نے بیاباناں وِچ پھِرݨ لغی پئے۔

توریت شریف: پَیدایش 21:23

اِس واسطے تُساں ہُݨ مہاڑے سامݨے اللّٰہ نی قسم کھاؤ کہ نہ مہاڑے نال، نہ مہاڑیاں پُتراں نال، تے نہ ہی مہاڑیاں پوتریاں نال تُساں تہوکھہ فریب کرسو. جِس طرح میں تُساں نال اچّا سلُوک کیتا، اِسے طرح تُساں وی مہاڑے نال تے اِس مُلخے نال جتھے تُساں رہݨے او اچّا سلُوک کرو۔“

توریت شریف: پَیدایش 21:27

فِر حضرت اِبراہِیم پہڈاں، بکریاں، گانئیاں تے داند کہنی کے بادشاہ کی دِتے، تے دوآں آپے وِچ معاہدہ کِیتا۔

توریت شریف: پَیدایش 22:3

حضرت اِبراہِیم سویرے سویرے اُٹھے، تے قربانی کی ساڑنے واسطے لکڑیاں چیریاں، تے اپݨے کھوتے پر لدیاں. فِر اپݨے نوکراں وِچوں دوآں کی تے اپݨے پُترے حضرت اسحاق کی نال کِہندا، تے اُس جغہ در گئے جیہڑی اللّٰہ تعالیٰ اُنہاں کی دَسی سی۔

توریت شریف: پَیدایش 25:33

حضرت یعقُوب آخیا، ”ہپہلے مہاڑے اگے قسم کھا.“ تے اُنہاں قسم کھادی، تے بڑے ہوݨے نا حق حضرت یعقُوب اگے بیچی شوڑیا۔

توریت شریف: پَیدایش 26:32

اُس دیہاڑے حضرت اسحاق نے نوکر اُنہاں کول آئے تے اُس کھُوئے نے بارے وِچ دسیا جیہڑا اُنہاں کھُݨیا سی کہ ”اَساں کی پاݨی لبھی گیا اے!“

توریت شریف: پَیدایش 31:44

بس، ہُݨ توں تے میں دوئے اِک ہوئی کے آپے وِچ اِک معاہدہ کراں، تے او ہی تہاڑے تے مہاڑے وِچ ثبوت ہوسی کہ اساں وِچ صُلح ہوئی گئی اے۔“

توریت شریف: پَیدایش 31:55

لابن سویرے سویرے اُٹھیا، تے اپݨے دوتریاں تے اپݨیاں تیہآں کی پیار تے برکت دیئی کے کہرے در مُڑی گیا۔