توریت شریف: پَیدایش 26:3 - Mirpuri-Pahari Bible

³ اِسے مُلخے وِچ مقیم ہوئی جا، تے میں تُہاڑے نال ہوساں تے تُکی برکت دیساں. میں تُکی تے تُہاڑی نسلاں کی اے سارا مُلخ دیساں، تے میں اُس قسم کی پورا کرساں جیہڑی میں تُہاڑے پیو اِبراہِیم نال کیتی سی۔

توریت شریف: پَیدایش 26:3 ပူးပေါင်းရင်းမြစ်များ

توریت شریف: پَیدایش 12:7

اُس ویلے رب حضرت ابرام پر ظاہر ہویا تے آخیا، ”میں تُہاڑی نسلاں کی اے مُلخ دیساں.“ فِر حضرت ابرام اُتھے رب واسطے قربانی دیݨے آلی جغہ بݨائی شوڑی، جیہڑا اُنہاں اپر ظاہر ہویا سی۔

توریت شریف: پَیدایش 13:15

کِیئانکہ اے سارا مُلخ جیہڑا تُوں تکݨا ایں، میں تُکی تے تُہاڑیاں نسلاں کی ہمیشہ واسطے دیساں۔

توریت شریف: پَیدایش 13:17

ہُݨ ای اِس مُلخے نی لمائی چوڑائی وِچ سیر کر، کِیئانکہ میں تُکی اے سارا دیساں۔“

توریت شریف: پَیدایش 15:18

اُس دیہاڑے رب حضرت ابرام نال عہد کِیتا کہ میں تُہاڑی نسلاں کی اے ساری زِیمی دیساں، جیہڑی مصر نے دریا نِیل توں کِہنی کے بڑے دریا یعنی دریائے فرات تک ہوسی،

توریت شریف: پَیدایش 17:19

اللّٰہ تعالیٰ آخیا، ”کوئی شک نی کہ تُہاڑی کہرے آلی سارہ مُنڈا جمسی، تے تُوں اُس نا ناں اِسحاق رخیاں. میں اُس نال تے اُس نی اولادی نال اپݨا عہد، جیہڑا ابدی عہد اَے، قائم رخساں.

توریت شریف: پَیدایش 17:8

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 20:1

فِر حضرت اِبراہِیم ممرے تُوں نِجِب نے عِلاقے در گئے، تے قادِش شہر تے شُور نے علاقے نے بشکار رہی گئے. فِر کُج ٹیم او جرار وِچ وی رہے،

توریت شریف: پَیدایش 25:11

حضرت اِبراہِیم نے فوت ہوݨے توں بعد اللّٰہ تعالیٰ اِنہاں نے پُترے حضرت اسحاق کی برکت دِتی. تے او بیر لحی روئی نے نیڑے رہݨ لغی پئے۔

توریت شریف: پَیدایش 26:12

فِر حضرت اسحاق اُس مُلخے وِچ فصل رائی، تے اُسے سال اُنہاں کی سو گُنا پھل مِلیا، کِیئانکہ رب اُنہاں کی برکت دِتی.

توریت شریف: پَیدایش 26:14

اُنہاں کول پہڈاں بکریاں، گاںئیاں، داند تے بہُوں سارے نوکر ہوئی گئے، اِس واسطے فلستی اُنہاں کولوں سڑݨ لغی پئے۔

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 31:3

فِر رب حضرت یعقُوب کی آخیا، ”تُوں اپݨے پیؤ دادے نے مُلخے وِچ اپݨے رِشتے داراں کول مُڑی جا، تے میں تہاڑے نال رہساں۔“

توریت شریف: پَیدایش 35:12

اے مُلخ جیہڑا میں اِبراہِیم تے اسحاق کی دِتا، اے تُکی وی دیساں تے تہاڑے تُوں بعد نیاں نسلاں کی وی دیساں۔“

توریت شریف: پَیدایش 39:2

رب حضرت یُوسف نال سی، اِس واسطے او اِک کامیاب آدمی بݨے- او اپݨے مصری مالک نے کہار رہننے سݨ۔

توریت شریف: پَیدایش 39:21

پر رب حضرت یُوسف نال سی تے اُنہاں اپر رحم کِیتا، تے قید خانے نے دروغے نی نظراں وِچ اُنہاں کی مقبول بݨایا۔

توریت شریف: پَیدایش 48:21

فِر حضرت یعقُوب حضرت یُوسف کی آخیا، «میں تے مرنے آلا آں. پر اللّٰہ تعالیٰ تُساں ساریاں نال ہوسی، تے تُساں کی تُساں نے پیؤ دادے نے مُلخے وِچ موڑی کے کہنی جاسی۔

توریت شریف: پَیدایش 50:24

فِر اِک دیہاڑے حضرت یُوسف اپݨے پہرواں کی آخیا، «میں مرنے آلا آں! اللّٰہ تعالیٰ یعقیناً تُساں نی مدد کرسی، تے تُساں کی اِس مُلخے وِچوں اُس مُلخے وِچ پُہنچاسی، جس نے دیݨے نی خُدا پیؤ یعقُوب ، دادے اسحاق، تے پڑدادے ابراہیم نال قسم کھادی سی۔»