توریت شریف: پَیدایش 26:24 - Mirpuri-Pahari Bible

²⁴ اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

توریت شریف: پَیدایش 26:24 ပူးပေါင်းရင်းမြစ်များ

توریت شریف: پَیدایش 13:16

میں تُہاڑیاں نسلاں کی مٹی نیاں ذریاں نی طرح بڑاساں. جِسرح کوئی مٹی نیاں زریاں کی نی گِݨی سکݨا، اِسے طرح تُساں نی نسلاں کی وی کوئی نی گِݨی سکݨ لغا!

توریت شریف: پَیدایش 15:1

اُس توں بعد اللّٰہ تعالیٰ نا کلام حضرت ابرام پر نازل ہویا کہ، ”اے ابرام، توں ناں ڈر! میں تُہاڑی ٹہال آں۔ تُکی بڑا اجر لبھسی.“

توریت شریف: پَیدایش 17:7

میں تہاڑے نال تے تہاڑے تُوں بعد تُہاڑیاں نسلاں نال بلکہ اِنہاں نیاں ساریاں پُشتاں نال، اپݨا ابدی عہد کرساں. یعنی، میں تہاڑا تے تہاڑے بعد تُہاڑیاں نسلاں نا خُدا ہوساں۔

توریت شریف: پَیدایش 17:8

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 21:17

اللّٰہ تعالیٰ مُنڈے نے روݨے نی واز سُݨی، تے فِر خُدا نے فرشتے آسمانے وِچوں بی بی ہاجرہ کی واز دِتی، ”ہاجرہ، تُکی کے ہوئی گیا؟ ناں ڈر! اللّٰہ تعالیٰ تہاڑے مُنڈے نی واز سُݨی کِہندی۔

توریت شریف: پَیدایش 22:17

کہ میں تُکی بہُوں برکت دیساں. تُہاڑی نسل اِتنی بدہاساں جِتنے آسمانے پر تارے اݨ، تے جِتنی سمندر نے کنارے پر ریت اے۔ تے تُہاڑی اُولاد اپݨے دُشمݨاں پر فتح حاسل کرسی.

توریت شریف: پَیدایش 22:19

حضرت اِبراہِیم تے حضرت اسحاق نوکراں کول مُڑی کے آئے، تے اُنہاں ساریاں نال بیر سبع در گئے. فِر حضرت اِبراہِیم اُتھے ہی رہے۔

توریت شریف: پَیدایش 24:12

تے دُعا کِیتی، ”اے رب، مہاڑے مالک حضرت اِبراہِیم نے خُدا، میں تُہاڑی مِنت کرنا آں کہ توں مہاڑا کم کری شوڑ، تے مہاڑے مالک حضرت اِبراہِیم پر کرم کر۔

توریت شریف: پَیدایش 28:13

رب اُنہاں پوہڑیاں نے اُپر کھلتا وا سی، تے اُس آخیا، ”میں رب آں، تہاڑے پیؤ اِبراہِیم نا تے اسحاق نا خُدا. تے میں اے زِیمی جس پر تُوں لما پیا ویں، تُکی تے تُہاڑی نَسلاں کی دیساں.

توریت شریف: پَیدایش 28:15

تے تَک! میں تہاڑے نال آں، تے ہر جغہ جِتھے وی توں جاسیں تُہاڑی حفاظت کرساں، تے تُکی اِس مُلخے وِچ فِر آݨساں. میں تُکی کدے کلیاں ناں چھوڑݨ لغا. میں اپݨا واعدہ پُورا کرساں۔“

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 30:27

تاں لابن آخیا، ”جے مہاڑے پر رحم کریں، تے اِتھَے ہی رو، کِیئانکہ مِکی فال نے ذریعے پتہ لغی گیا اے کہ اللّٰہ تعالیٰ تُہاڑی وجہ نال مِکی برکت دِتی اے۔“

توریت شریف: پَیدایش 31:5

تے اُنہاں آخیا، ”میں تکیا کہ تُساں نے پیُؤ نا رویہ پہلے نالوں کُج بدلیا وا، پر مہاڑے پیُؤ نے خُدا مہاڑا ساتھ دِتا اے۔

توریت شریف: پَیدایش 39:2

رب حضرت یُوسف نال سی، اِس واسطے او اِک کامیاب آدمی بݨے- او اپݨے مصری مالک نے کہار رہننے سݨ۔

توریت شریف: پَیدایش 39:3

فوطِیفار تکیا کہ رب حضرت یُوسف نال سی، تے جِنہاں کماں کی او ہتھ لاݨے سݨ، اُنہاں وِچ رب برکت باݨا سی۔

توریت شریف: پَیدایش 46:1

فِر حضرت یعقُوب اپݨا سارا کُج کہنی کے ٹُری گئے. تے بیر سبع شہر وِچ اچھی کے اپݨے پیؤ حضرت اسحاق نے خُدا اگے قربانیاں کیتیاں۔

اِنجِیل شریف (لُوقا) 12:32

مُٹّھی بَھر لوکو، خوف زَدہ ناں ہووو، کِیئانکہ تُساں نے آسمانی باپ کی خُوشی اَے کہ او تُساں کی اپݨی بادشاہی وِچ شامِل کرے۔