توریت شریف: پَیدایش 24:7 - Mirpuri-Pahari Bible

⁷ رب جیہڑا آسماناں نا مالک اے، اپݨا فرِشتہ تُہاڑے اگے بیچھسی. اِس واسطے تُوں مہاڑے پُترے واسطے اُنہاں وِچوں زناݨی چُننے وِچ ضرور کامیاب ہوسیں، کِیئانکہ رب ہی مِکی مہاڑے پیؤ نے کہروں تے مہاڑے مُلکے وِچوں اِتھے کِہنی آیا، تے اُس قسم کھائی کے مہاڑے نال وعِدہ کیتا کہ ”میں اے کَنعان نامی مُلخ تُہاڑی اولاد کی دیساں“.

توریت شریف: پَیدایش 24:7 ပူးပေါင်းရင်းမြစ်များ

توریت شریف: پَیدایش 13:15

کِیئانکہ اے سارا مُلخ جیہڑا تُوں تکݨا ایں، میں تُکی تے تُہاڑیاں نسلاں کی ہمیشہ واسطے دیساں۔

توریت شریف: پَیدایش 15:18

اُس دیہاڑے رب حضرت ابرام نال عہد کِیتا کہ میں تُہاڑی نسلاں کی اے ساری زِیمی دیساں، جیہڑی مصر نے دریا نِیل توں کِہنی کے بڑے دریا یعنی دریائے فرات تک ہوسی،

توریت شریف: پَیدایش 16:7

فِر رب نے فرشتے کی بی بی ہاجرہؑ شُور نے رائے وِچ ہی اِک چُوئے کول لُگی جغہ لبھی گئی۔

توریت شریف: پَیدایش 17:8

میں کَنعان نا سارا مُلخ، جس وِچ تُوں پردیسی ایں، تُکی تے تُہاڑیاں نسلاں کی ہمیشہ نی ملکیت نے طور پر دیساں. تے میں اِنہاں نا خدا ہوساں.“

توریت شریف: پَیدایش 21:17

اللّٰہ تعالیٰ مُنڈے نے روݨے نی واز سُݨی، تے فِر خُدا نے فرشتے آسمانے وِچوں بی بی ہاجرہ کی واز دِتی، ”ہاجرہ، تُکی کے ہوئی گیا؟ ناں ڈر! اللّٰہ تعالیٰ تہاڑے مُنڈے نی واز سُݨی کِہندی۔

توریت شریف: پَیدایش 22:11

اُسے ویلے رب نے فرشتے آسمانے وِچوں حضرت اِبراہِیم کی واز دیئی کے آخیا، ”ابراہیم، ابراہیم!“ اُنہاں آخیا، ”میں اِتھے حاضر آں۔“

توریت شریف: پَیدایش 24:3

میں تہاڑے کولوں رب نی قسم کِہننا آں، جیہڑا دوآں جہاناں نا مالک اے، کہ تُوں کنعانیاں وِچوں جِہناں نے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 24:40

اُنہاں فِر مِکی آخیا کہ ’رب، جس نے حُکم نے مُطابق میں زندگی گُزارنا ریا آں، او تہاڑے نال اپݨا فرشتہ پہیجسی تے تُہاڑا سفر کامیاب کرسی. تُوں ضرور مہاڑے پُترے واسطے مہاڑیاں رِشتے داراں تے مہاڑے پیؤ نے کہرے وِچوں کُڑی آݨسیں.

توریت شریف: پَیدایش 26:24

اُس راتی رب اُنہاں پر ظاہر ہویا تے آخیا، ”میں تہاڑے پیؤ اِبراہِیم نا خُدا آں. توں ناں ڈر، کِیئانکہ میں تہاڑے نال آں، تے میں تُکی برکت دیساں، تے اپݨے خادم اِبراہِیم نے نال کیتے وے واعدے نی وجہ تُوں تہاڑی نسل بدھاساں۔“

یُونس 1:9

حضرت یُونس جواب دِتا، ’میں عِبرانی قوم نال تعلق رکھݨا آں- میں رب نی عبادت کرنا آں، جیہڑا جنت نا خُدا اے۔ اُس زِیمی تے سمندر بݨایا۔‘