توریت شریف: پَیدایش 24:60 - Mirpuri-Pahari Bible

⁶⁰ اُنہاں رِبقہ کی دُعاواں دِتیاں، ”تُہاڑی نسل لکھاں تے کروڑاں ہووے، تے او اپݨے دُشمݨاں پر فتح حاسل کرے!»

توریت شریف: پَیدایش 24:60 ပူးပေါင်းရင်းမြစ်များ

توریت شریف: پَیدایش 1:28

اللّٰہ تعالیٰ اُنہاں کی برکت دیئی کے آخیا، ”پھلو پھُولو تے تعداد وِچ بدھݨے جاؤ! دُنیا تُساں نال پہرݨ جائے، تے تُساں اُس پر اختیار رکھو۔ مچھیاں پر، پرندیاں پر، تے زِیمی پر سارے رینگݨے آلے جانداراں پر حکومت کرو۔“

توریت شریف: پَیدایش 14:19

اُس حضرت ابرام کی برکت دیݨیاں آخیا، ”اللّٰہ سبحانه و تعالیٰ نی طرفوں، جیہڑا آسمان تے زِیمی نا خالق اے، ابرام پر برکت ہووے۔

توریت شریف: پَیدایش 17:16

تے میں اُس کی وی برکت دیساں، تے اُس کولوں تُہاڑا اِک پُتر ہوسی. میں سارہ کی اِتنی برکت دیساں کہ قوماں اُس نیاں نسلاں وِچوں ہوسݨ، تے قوماں نے بادشاہ اُس وِچوں جَمسَݨ.“

توریت شریف: پَیدایش 22:17

کہ میں تُکی بہُوں برکت دیساں. تُہاڑی نسل اِتنی بدہاساں جِتنے آسمانے پر تارے اݨ، تے جِتنی سمندر نے کنارے پر ریت اے۔ تے تُہاڑی اُولاد اپݨے دُشمݨاں پر فتح حاسل کرسی.

توریت شریف: پَیدایش 24:61

فِر بی بی رِبقہ تے اُس نیاں لونڈیاں اُٹھی کے نوکر نے پِچھے پِچھے جاݨے واسطے اُونٹھاں اپر سوار ہویاں، تے نوکر بی بی رِبقہ کی نال کہنی کے ٹری گئے۔

توریت شریف: پَیدایش 28:3

اللّٰہ قادر مطلق تُکی برکت دیئی کے پھلݨ پھُلݨ دے، تے تُکی اتنی اولاد دے کہ تُوں بہُوں ساریاں قوماں نا پِیؤ بݨیں۔

توریت شریف: پَیدایش 32:1

فِر حضرت یعقُوب وی اپݨا راہ پکڑیا، تے فرشتے اُنہاں کی مِلے.

توریت شریف: پَیدایش 48:20

فِر حضرت یعقُوب اُنہاں دوآں کی اُس دیہاڑے اے برکت دیݨیاں آخیا، «بنی اسرائیلی لوک تُساں نے ناں کہنی کہنی کے اِس طرح دُعاواں کرسݨ کہ اللّٰہ تعالیٰ تُساں کی افرائیم تے مَنَسّی نی طرح خوش نصیب کرے.» اِس طرح اُنہاں افرائیم کی مَنَسّی پر فضیلت دِتی۔

توریت شریف: پَیدایش 9:1

فِر اللّٰہ تعالیٰ حضرت نُوح کی تے اُنہاں نیاں پتراں کی برکت دتی تے آخیا، ”تُساں پھلو پھُولو، بدھو تے زِیمی پہرو۔