توریت شریف: پَیدایش 24:31 - Mirpuri-Pahari Bible

³¹ تاں اُس آخیا، ”تُساں جیہڑے رب نے مبارک بندے او، اندر اچھو! باہر کِیئاں کھلتے وے او؟ میں اپݨے کہرے وِچ تُساں واسطے سب کُج تیار کیتا، تے تُساں نے اُونٹھاں واسطے کافی جغہ اے۔»

توریت شریف: پَیدایش 24:31 ပူးပေါင်းရင်းမြစ်များ

توریت شریف: پَیدایش 18:3

اُنہاں آخیا، ”اے مہاڑے مالک، جے مہاڑے اپر کرم کرو، تے تُساں اپݨے بندے کولوں اگے نہ جاؤ۔

توریت شریف: پَیدایش 19:2

اُنہاں آخیا، ”اے مہاڑے مالک، مہاڑے نال مہاڑے کہار اچھو. اپݨے پیر تہؤ، راتی آرام کرو، تے سویرے اُٹھی کے اپݨا سفر جاری رخیا.“ اُنہاں جواب دِتا، ”ناں، اساں چوکے وِچ ہی رات لنگاساں۔“

توریت شریف: پَیدایش 19:3

پر جیہڑے ویلے حضرت لوط بہُوں زور لایا، تے فِر او اُنہاں نال ہوئی گئے. تے حضرت لُوط اُنہاں نی میزبانی خاص روٹی نال کیتی تے اُنہاں کھادی۔

توریت شریف: پَیدایش 24:30

اِس طرح ہویا کہ جِس ویلے اُس نتھ تے کڑے تکے جیہڑے اُس نی پہیݨوں نے ہتھے وِچ سݨ، تے نال اُس اپݨی پہیݨوں نیاں گلاں وی سُݨیاں، تے او باہر کھُوئے پر اُس بندے در دوڑنا گِیا۔ اُس تکیا کہ او بندہ کھوئے کول اُونٹھاں نال کھلتا وا سی۔

توریت شریف: پَیدایش 26:29

کہ تُساں اساں کی نُقصان نہ پہُنچاݨ لغے، کِیئانکہ اساں وی تُساں کی نی چھیڑیا، بلکہ تُساں نال چنگا سلوک کیتا تے تُساں کی سلامتی نال رُخصت کیتا. تے ہُݨ ظاہر اے کہ رب تُساں کی برکت دِتی اے۔“

توریت شریف: پَیدایش 29:13

لابن اے خبر سُݨی کے دوڑنا آیا، تے اپݨے پہانجے حضرت یعقُوب کی گلے نال لائی کے پیار دِتا. فِر اُس کی اپݨے کہار آندا، تے حضرت یعقُوب لابن کی سارا حال سُݨایا۔