توریت شریف: پَیدایش 24:3 - Mirpuri-Pahari Bible

³ میں تہاڑے کولوں رب نی قسم کِہننا آں، جیہڑا دوآں جہاناں نا مالک اے، کہ تُوں کنعانیاں وِچوں جِہناں نے وِچ میں رہݨا آں، مہاڑے پُترے اسحاق کی ناں بیاسیں،

توریت شریف: پَیدایش 24:3 ပူးပေါင်းရင်းမြစ်များ

توریت شریف: پَیدایش 14:19

اُس حضرت ابرام کی برکت دیݨیاں آخیا، ”اللّٰہ سبحانه و تعالیٰ نی طرفوں، جیہڑا آسمان تے زِیمی نا خالق اے، ابرام پر برکت ہووے۔

توریت شریف: پَیدایش 14:22

پر حضرت ابرام اُس کی آخیا، ”میں ہُݨ رب، اللّٰہ سبحانه و تعالیٰ، جیہڑا آسمان تے زمین نا خالق و مالِک اے، اُس نی قسم چاݨا آں،

توریت شریف: پَیدایش 21:23

اِس واسطے تُساں ہُݨ مہاڑے سامݨے اللّٰہ نی قسم کھاؤ کہ نہ مہاڑے نال، نہ مہاڑیاں پُتراں نال، تے نہ ہی مہاڑیاں پوتریاں نال تُساں تہوکھہ فریب کرسو. جِس طرح میں تُساں نال اچّا سلُوک کیتا، اِسے طرح تُساں وی مہاڑے نال تے اِس مُلخے نال جتھے تُساں رہݨے او اچّا سلُوک کرو۔“

توریت شریف: پَیدایش 24:7

رب جیہڑا آسماناں نا مالک اے، اپݨا فرِشتہ تُہاڑے اگے بیچھسی. اِس واسطے تُوں مہاڑے پُترے واسطے اُنہاں وِچوں زناݨی چُننے وِچ ضرور کامیاب ہوسیں، کِیئانکہ رب ہی مِکی مہاڑے پیؤ نے کہروں تے مہاڑے مُلکے وِچوں اِتھے کِہنی آیا، تے اُس قسم کھائی کے مہاڑے نال وعِدہ کیتا کہ ”میں اے کَنعان نامی مُلخ تُہاڑی اولاد کی دیساں“.

توریت شریف: پَیدایش 27:46

فِر بی بی رِبقہ حضرت اسحاق کی آخیا، ”میں اپݨیاں حِتی قبیلے نیاں نُوآں نے رَوَیے کولوں تنگ آئی گئی آں. جے یعقُوب حِتی کُڑیاں وِچوں، جِیئے جیاں اِس مُلخے نیاں کُڑیاں اݨ، بیاہ کری کہنے، تے بہتر اے کہ میں پہلے مری جاں!“

توریت شریف: پَیدایش 28:1

فِر حضرت اسحاق حضرت یعقُوب کی بُلائی کے خیر نی دُعا دتی، تے حکم دِتا، ”توں اِس کَنعان مُلخے نی کُسے کُڑی نال بیاہ ناں کریاں۔

توریت شریف: پَیدایش 28:8

فِر حضرت اِیسَو تکیا کہ کنعانی کڑیاں اُس نے پیؤ حضرت اسحاق کی مندیاں لغݨیاں،

توریت شریف: پَیدایش 34:9

تُساں اَساں نال وٹہ سٹہ کری کہنو. تُساں اپݨیاں تیہاں اَساں کی دیو، تے اَساں نیاں تیہاں تُساں کری کہنو۔

توریت شریف: پَیدایش 38:2

تے یہُودہ اُتھے شُوع نامی اِک کنعانی نی تیہوں کی تکیا، تے اُس نال بیاہ کیتا۔

توریت شریف: پَیدایش 47:31

فِر حضرت یعقُوب آخیا، «تُوں مہاڑے سامݨے قسم کھا.» فِر حضرت یُوسف اُنہاں اگے قسم کھادی، تے حضرت یعقُوب اپݨا سِر بسترے پر چُہکائی کے شکر ادا کِیتا۔

توریت شریف: پَیدایش 50:25

حضرت یُوسف اُنہاں کولوں قسم کہنی کے آخیا، «رب ضرور تُساں نی مدد کرسی، تے تُساں ضرور مہاڑی لاش کی اِتھوں کہنی جُلیائے۔»

توریت شریف: پَیدایش 6:2

اللّٰہ تعالیٰ نے نیک بندیاں اُنہاں کُڑیاں کی تکیا جیہڑیاں بہُوں سوہݨیاں سݨ۔ تاں اُنہاں اِنہاں کڑیاں وِچوں چُݨی کے بیاہ کیتا۔

توریت شریف: پَیدایش 6:4

اُنہاں دیہاڑیاں وِچ، تے بعد وِچ وی، جدُوں اللّٰہ تعالیٰ نے نیک بندے اُنہاں کُڑیاں کول گئے تے اُنہاں کولوں تیہاں تے پتر جمے، دُنیا وِچ دیو موجود سݨ. اے پُراݨے زمانے نے مشہور جنگجُو سݨ.