توریت شریف: پَیدایش 24:27 - Mirpuri-Pahari Bible

²⁷ تے آخیا، ”رب، مہاڑے مالک حضرت اِبراہِیم نے خُدا، تُہاڑی تعریف کیتی جائے. تُوں مہاڑے مالک نال اپݨا کرم تے وفا کیتی! تُوں مِکی ٹھیک رستے پر ٹوری کے مہاڑے مالکے نے پہراواں کول کہنی آندا۔»

توریت شریف: پَیدایش 24:27 ပူးပေါင်းရင်းမြစ်များ

توریت شریف: پَیدایش 13:8

فِر حضرت ابرام حضرت لُوط کی آخیا، ”مہاڑے تے تہاڑے وِچ تے مہاڑیاں تے تُہاڑیاں نوکراں وِچ چہگڑا ناں ہووے، کِیئانکہ اساں رشتہ دار آں۔

توریت شریف: پَیدایش 14:20

اللّٰہ سبحانه و تعالیٰ نا شُکر اے، جِس تُہاڑے دُشمݨاں کی تُہاڑے سامݨے زیر کِیتا.“ فِر حضرت ابرام ساریاں چیزاں وِچوں دسواں حصہ اِس کی دِتا۔

توریت شریف: پَیدایش 24:12

تے دُعا کِیتی، ”اے رب، مہاڑے مالک حضرت اِبراہِیم نے خُدا، میں تُہاڑی مِنت کرنا آں کہ توں مہاڑا کم کری شوڑ، تے مہاڑے مالک حضرت اِبراہِیم پر کرم کر۔

توریت شریف: پَیدایش 24:21

او نوکر چُپ چاپ اُس کی غور نال تکݨا رہیا تانکہ اُس کی پتہ لغے کہ اللّٰہ تعالیٰ اُس نا سفر کامیاب کیتا اَے یا نی۔

توریت شریف: پَیدایش 24:4

بلکہ توں مہاڑے مُلخے وِچ جائی کے مہاڑے رشتہ داراں وِچوں مہاڑے پُترے واسطے کُڑی کِہنی آݨسیں۔»

توریت شریف: پَیدایش 24:42

اج جدُوں میں کھوئے کول آیا، تے میں دعا کیتی کہ ’اے رب، مہاڑے مالِک حضرت اِبراہِیم نے خُدا، جے تُہاڑی مرضی ہوئے، تے مِکی اِس مقصد وِچ کامیابی دے جِس واسطے میں اِتھے آیا آں.

توریت شریف: پَیدایش 24:48

فِر میں سجدے وِچ پئی گیا تے آخیا کہ ’اے رب، مہاڑے مالک حضرت اِبراہِیم نے خُدا، تُوں مبارک ایں! کہ تُوں مِکی سِدہے راہے اپر ٹوریا جِتھوں میں اپݨے مالک نے پراؤ نی پوتری اُس نے پُترے واسطے بیاہی کے کھڑساں‘۔

توریت شریف: پَیدایش 32:10

میں تُہاڑیاں ساریاں رحمتاں تے وفاداریاں نے قابل ناں، جہڑیاں تُوں اپݨے اِس بندے نال کیتاں، کِیئانکہ میں صرف اپݨی سوٹی کہنی کے دریائے اُردن نے پار گیا ساں، تے ہُݨ مہاڑے کول دو گروہ اݨ۔

توریت شریف: پَیدایش 32:11

ہُݨ مہاڑی عرض سُݨی کِہن، تے مہاڑے پہراؤ اِیسَو کولوں مِکی بچائی کہن. میں اُس کولوں ڈرنا آں کہ او اچھی کے مِکی تے مہاڑیاں بچّیاں کی ماواں سمیت ماری ناں سٹے۔

توریت شریف: پَیدایش 9:26

مبارک ہووے رب، جیہڑا سام نا خدا اے! کَنعان سام نا غلام ہووے۔

اِنجِیل شریف (لُوقا) 1:68

اُنہاں آخیا، ”سُبحان اللّٰہ! الحمدُ للّٰہ! بنی اِسرائیل نے خُدا نا شُکر اَے! اُس اَساں اپر نظرِ کرم کِیتی اَے تے اَساں کی آزادی بخشی اَے۔