توریت شریف: پَیدایش 24:22 - Mirpuri-Pahari Bible

²² جس ویلے اُونٹھ پاݨی پِی رہے، تے اُس ویلے اُس نوکرے اَدھے تولے سونے نی اِک نتھ تے دس تولے سونے نے دو کڑے بی بی رِبقہ نیاں باواں واسطے باہر کہڈے،

توریت شریف: پَیدایش 24:22 ပူးပေါင်းရင်းမြစ်များ

توریت شریف: پَیدایش 24:10

فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:23

تے آخیا، ”مِکی دَسو کہ تُساں کُس نی تِہی او؟ تے کَے تُساں نے پیؤ نے کہار اساں نے رہݨے واسطے جغہ ہے وَے؟“

توریت شریف: پَیدایش 24:30

اِس طرح ہویا کہ جِس ویلے اُس نتھ تے کڑے تکے جیہڑے اُس نی پہیݨوں نے ہتھے وِچ سݨ، تے نال اُس اپݨی پہیݨوں نیاں گلاں وی سُݨیاں، تے او باہر کھُوئے پر اُس بندے در دوڑنا گِیا۔ اُس تکیا کہ او بندہ کھوئے کول اُونٹھاں نال کھلتا وا سی۔

توریت شریف: پَیدایش 24:47

فِر میں اُس کولوں پُچھیا کہ ’تُوں کس نی تہی ایں؟‘، تے اُس آخیا کہ ’میں بِتُو ایل نی تہی آں، تے نحور مہاڑا دادا اے، تے ملکاہ مہاڑی دادی اے‘. فِر میں اُس نے نکے وِچ نتھ تے اُس نیاں باواں وِچ کڑے پوائے۔

توریت شریف: پَیدایش 24:53

فِر اُس سونے تے چاندی نے زیور تے نال کپڑے کہنی کے بی بی رِبقہ نے حوالے کِیتے، تے اُس نے پہراؤ تے ماؤ کی وی قیمتی چیزاں دِتیاں۔