توریت شریف: پَیدایش 24:10 - Mirpuri-Pahari Bible

¹⁰ فِر او اپݨے مالک نے دس اُونٹھاں پر قیمتی تحفے لدی کے مسوِپتامیہ مُلک در روانہ ہوئی گیا. ٹُرنا ٹُرنا او اُس شہر پُہجھی گیا جِتھے حضرت اِبراہِیم نا پہرآ نحُور رہݨا سی.

توریت شریف: پَیدایش 24:10 ပူးပေါင်းရင်းမြစ်များ

توریت شریف: پَیدایش 11:26

جدوں تارح 70 سالاں نا ہوئی گیا اُس تُوں بعد اُس نے ترے پتر حضرت ابرام، نحُور تے حاران جمے۔

توریت شریف: پَیدایش 11:29

تے حضرت ابرام تے نحُور دوآں اپݨا اپݨا بیاہ کری کِہندا. حضرت ابرام نی کہرے آلی نا ناں بی بی ساری، تے نحُور نی کہرے آلی نا ناں بی بی ملکہ سی. او ہی ہاران نی تِیہی سی، تے اُس نی پہیݨوں نا ناں بی بی اِسکہ سی۔

توریت شریف: پَیدایش 11:31

تارح اپݨے پُترے حضرت ابرام کی، تے اپݨے پوترے حضرت لُوط کی جیہڑے جناب ہاران نے پُتر سݨ، تے اپݨی نُوں بی بی ساری کی جیہڑی اُنہاں نے پُترے حضرت ابرام نی کہرے آلی سی، نال کِہندا، تے اے سارے کلدانیاں نے شہر اُر وِچوں نکلی کے مُلخ کَنعان در ٹُری گئے. جِسلے او شہر ہاران تک پُہچے، تے اُتھے رہݨ لغی پئے۔

توریت شریف: پَیدایش 11:32

تارح دو سو پنج سالاں نی عمر نے ہوئی کے شہر ہاران وِچ مری گئے۔

توریت شریف: پَیدایش 22:20

کُج مُدت تُوں بعد حضرت اِبراہِیم کی اے خبر پُہنچی کہ ”تُساں نے پہراؤ نحور نی بیوی مِلکاہ وِچوں مُنڈے جمے اݨ،

توریت شریف: پَیدایش 24:2

اِک دیہاڑے اُنہاں اپݨے کہار نے ساریاں تُوں بڑے نوکر کی جیہڑا جائیداد نا پُورا انتظام چلاݨا سی، آخیا، ”رسم نے مُطابق مہاڑے پٹ تلھے ہتھ رخ.

توریت شریف: پَیدایش 24:22

جس ویلے اُونٹھ پاݨی پِی رہے، تے اُس ویلے اُس نوکرے اَدھے تولے سونے نی اِک نتھ تے دس تولے سونے نے دو کڑے بی بی رِبقہ نیاں باواں واسطے باہر کہڈے،

توریت شریف: پَیدایش 24:53

فِر اُس سونے تے چاندی نے زیور تے نال کپڑے کہنی کے بی بی رِبقہ نے حوالے کِیتے، تے اُس نے پہراؤ تے ماؤ کی وی قیمتی چیزاں دِتیاں۔

توریت شریف: پَیدایش 27:43

مہاڑیا پُترا، توں مہاڑی گل سُݨ، تے حاران شہر نے پاسے اپݨے مامے لابن کول نسی جا.

توریت شریف: پَیدایش 29:1

فِر حضرت یعقُوب اگے نکلی کے مشرقی لوکاں نے مُلخے وِچ پُہچی گئے.

توریت شریف: پَیدایش 29:2

اتھے اُنہاں تکیا کہ میدانے وِچ اِک کھُوہ اَے، تے کھُوئے نے نیڑے پہیڈاں بکریاں نے ترَے اَجڑ بیٹھے وے سݨ، کِیئانکہ بکریاں چراݨے آلے اُس کھُوئے وِچوں اپݨے اجڑاں کی پاݨی پلاݨے سݨ. اُس کھُوئے نے مُونہے پر اِک بڑا بٹہ رخیا وا سی۔